Dave Douglas

David Deuel „Dave“ Douglas (* 24. März 1963 in Montclair, New Jersey) is en US-amerikaansch Jazz-Trompeter un Komponist.

Dave Douglas

Leven un Warken

Douglas is in New Jersey upwussen un hett as Kind Klaveer, Basuun un Trompete lehrt. He hett Musik in Barcelona un Boston, dornah an dat Berklee College of Music un an dat New England Conservatory studeert. 1984 truck he nah New York, wo he an de New York University studeeren dee. 1987 hett he sien eerst Europatournee mit Horace Silver maakt. Gemeensam mit Michael Jefry Stevens hett he tüschen 1988 un 1990 dat Mosaic Sextet leit, de sien Album Today, this Moment (Konnex Records/GM Recordings) mittlerwiel to de Klassiker vun dit Genre tellt.

Siet 1993 hett Douglas mehr as 20 eegen Alben upnommen. He hett mit tallriek Musikern tosommen arbeit, dorünner insbesünnere mit John Zorn in de sien Masada-Projekt as ok mit Horace Silver, Jack McDuff, dat SFJazz Collective un den Akkordeonisten Guy Klucevsek. In sien Kompositschonen verarbeit he Material vun Musikern as Duke Ellington, Thelonious Monk, Roland Kirk un Kurt Weill, aber ok Elemente vun osteuropääsch Folklore. He hett mehrere Alben upnommen, de he as Tribut an Booker Little, Mary Lou Williams (Soul on Soul) oder annern versteiht. Up neeere Upnahmen is deelwies en düütlich Betoog to de Fusion-Musik vun de fröhen 1970er Johren, etwa vun Miles Davis uttomaaken. Dave Douglas betreckt ok elektronische Instrumente in sien Musik in. Wegen sien breet musikalisch Spektrum, dat he immer wieder maaken deiht, tellt he to de innovativen Jazz-Trompetern vun de Gegenwart in den USA.

Tweemal wurr he all mit den National Endowment Jazz Fellowships uttekent. Sien Album Charmes of the Night Sky kreeg 1999 den Johrespries van de düütsch Schallplattenkritik.

2005 hett Douglas den Plattenverdrag mit RCA-Bluebird beend un hett gemeensam mit Mike Friedman sien eegen Plattenlabel Greenleaf Music grünnd.

Weblinks

• Offizielle Siet: http://www.davedouglas.com/
• http://www.cosmopolis.ch/cosmo20/davedouglas.htm Dave Douglas Biografie, CD- un Konzertkritik in cosmopolis.ch