Deborah Nadoolman
Deborah Nadoolman (* 26. Mai 1952) is en US-amerikaansche Kledaaschmakersche an’t Theater un bi’n Film, de för de Kledaaschen in vele bekannte Filmen tostännig weer as to’n Bispeel Animal House, The Three Amigos oder Raiders of the Lost Ark. Se hett för korte Tiet ehr tweete Amtstiet as Präsidentin vun de Costume Designers Guild to Enn bröcht, bi de se al siet mehr as dörtig Johren Liddmaat is.
Biografie
ännernNadoolman is eerst in New York City opwassen un hett later an de UCLA in Los Angeles studeert. 1975 hett se mit den Master of Fine Arts in’t Fack Costume Design afslaten. Dorna güng se na’t Royal College of Art in London, woneem se ehrn Dokter maakt heet in’t Fackrebeet Historie vun’t Design. In ehr Loopbahn hett Nadoolman ’n Hopen bekannte Kledaaschen utklamküstert as to’n Bispeel dat Tüüch vun Indiana Jones (Harrison Ford) oder de rode Jack vun Michael Jackson ut sien Video-Clip Thriller. Blangen en grode Tall vun Utteken för ehr Theater-Arbeiten weer se ok för Filmpriesen nomineert.
As se ehrn Dokter harr hett se en Reeg vun Böker schreven un rutbröcht, as to’n Bispeel Dressed: A Century of Hollywood Costume Design (Harper Collins, 2007), Screencraft/Costume Design (Focal Press, 2003) un 50 Costumes/50 Designers: Concept to Character (University of California Press. 2004). Se hett ok Ünnericht gegven över de Kledaaschmakeree un Vörlesen hollen, ü. a. an de University of Southern California, dat American Film Institute un hett bito en Professer-Tittel an de University of the Arts in London.
Se is siet den 27. Juli 1980 mit den US-amerikaanschen Speelbaas, Dreihbookschriever un Filmproduzent John Landis verheiraadt. Se hebbt tosamen twee Kinner.
Filmografie (Utwahl)
ännernBlangen ehr Warken för’t Theater hett se de Kledaasch för en grode Reeg Filmen utklamüstert:
| Johr | Titel |
|---|---|
| 1977 | The Kentucky Fried Movie dt.: Kentucky Fried Movie |
| 1978 | Animal House dt.: Ich glaub’ mich tritt ein Pferd |
| 1979 | 1941 dt.: 1941 – Wo bitte geht’s nach Hollywood?' |
| 1980 | The Blues Brothers dt.: Blues Brothers |
| 1981 | Raiders of the Lost Ark dt.: Jäger des verlorenen Schatzes |
| 1981 | An American Werewolf in London dt.: American Werewolf |
| 1983 | Trading Places dt.: Die Glücksritter |
| 1984 | Crackers dt.: Fünf Gauner machen Bruch |
| 1986 | ¡Three Amigos! dt.: Drei Amigos! |
| 1988 | Coming to America dt.: Der Prinz aus Zamunda |
| 1991 | Nothing But Trouble dt.: Valkenvania - Die wunderbare Welt des Wahnsinns |
| 1996 | The Stupids dt.: Eine Familie zum Kotzen |
| 1998 | Blues Brothers 2000 |
| 2010 | Burke and Hare |
Utteken
ännernDeborah Nadoolman hett tallrieke Priesen wunnen för ehr Arbeiten an’t Theater. För ehr Filmkledaaschen is se tweemol för Filmpriesen vörslahn wesen. Dat weer 1982 för den Saturn-Pries för de beste Kledaasch vörslahn för Raiders of the Lost Ark un 1989 för den Oscar in de Kategorie Best Kledaasch för Coming to America.
Websteden
ännern- Deborah Nadoolman in de Internet Movie Database (hoochdüütsch)