Dick Wellstood

Richard McQueen „Dick“ Wellstood (* 25. November 1927 in Greenwich, Connecticut; † 24. Juli 1987 in Palo Alto) weer en US-amerikaansch Jazz-Pianist (un Arrangeur) vun de Dixieland Jazz, Boogie Woogie, Stride-Piano-Stil un Swing.

Wellstood hett während de 1940er Johren dat Jazz-Pianospeel an dat Vörbild vun de Oldmeester vun de Stride Piano lehrt un speel mit Dixieland-Gruppen as de „Wildcats“ vun Bob Wilber (af 1946), mit de he ok 1952 dör Europa tourt is. Dor is he ok mit Sidney Bechet uptreden, bevör he 1953 sien Jura-Studium anfung (war he ok afslooten hett – he hett eerst in de 1980er Johren as Afkaat praktizeert). Af un an speel he ok während sien Studium mit Roy Eldridge un in de Band vun Conrad Janis. Dornah speel he in New York City un Umgebung Solo-Piano as ok in Dixieland-Gruppen as de vun Eddie Condon (af 1956), un hett (as Huuspianist im „Nick´s“ un dornah im „Metropole“ in New York) Musikers as Ben Webster, Wild Bill Davison, Red Allen, Coleman Hawkins, Eddie Locke, Buster Bailey un Vic Dickenson begleit.

In’ Sömmer 1960 nehm he mit Begleitmusikers as Hermann Autrey, Gene Sedric, Milt Hinton un Zutty Singleton för Prestige dat Album Uptown & Lowtown up. 1965/6 tour he in Süüdamerika mit Gene Krupa. Af Enn’ vun de 1960er Johren hett he in „The World's Greatest Jazz Band“ mitwarkt, as ok mit Kenny Davern in’ „The Ferry Boat“ in Brielle in New Jersey. Wellstoods kraftvull, faken ok modern Jazzharmonik verwendend Speelwies orienteer sück an völ Idiomen un Stilrichten vun de Jazz-Ära, sünners aber an de persönlich Speelwiesen vun James P. Johnson, Fats Waller, Willie „The Lion“ Smith, Duke Ellington, Donald Lambert, Art Tatum un Thelonious Monk. Wellstood is während de 1980er-Johren ok gemeensam mit Dick Hyman in’ Rahmen vun Tourneen in’ Piano-Duett uptreden un speel wiederhenn mit Bob Wilber. Mit de Bassisten George Duvivier bzw. Milt Hinton un den Slagtüüchspeler Bobby Rosengarden hett he af un an in en Trio speelt.

Diskografisch HenwiesenÄnnern

  • 1970 - Alone (Solo), (p) solo
  • 1973 - Dick Wellstood and His All-Star Orchestra Featuring Kenny Davern.. (Chiaroscuro)
  • 1977 - A Night In Dublin (Arbors Records 1977/2001), (p) solo, Livekonzert
  • 1981 - Marian McPartland's Piano Jazz Feat. Dick Wellstood (Jazz Alliance), (p) Solo & Duo mit Marian McPartland (p, Interviewer)
  • 1983 - I Wish I Were Twins (Swingtime Records, 8204), (p) Solo & Duo mit Dick Hyman (Amerikahaus/Loft Studios München, 08./13. März 1983)
  • 1984 - Bob Wilber - Dick Wellstood - Duet (Parkwood, LP PW103), im Duo mit Bob Wilber (cl, ss)
  • 1985 - Diane (Swingtime Records LC8966), (p) solo

BiografieÄnnern

  • Edward N. Meyer: „Giant Strides: The Legacy of Dick Wellstood (Studies in Jazz No. 32)“, (Amerikaansch Originalutgaav: Scarecrow Press Inc., 1999, ISBN 0-8108-3564-9).

WeblenkenÄnnern