Diskuschoon:Baccum

Segg mol, du hest ja noch keen egen Siet inricht. Wullt du dat nich noch maken? Dorüm fraag ik di nu an düsse Steed: Heet dat bi Jo in't Emsland denn würklich Namen un nich Naams? Un seggt Ji ok oft för faken oder faak? Un wie is dat mit Berg, wo wi sünst Barg seggt un schrievt? Towielen glippt een ja so hoochdüütsche Wöör dormank...beste Gröten, ---Bolingbroke 17:48, 15. Nov 2007 (CET)

Hey, Bolingbroke. Dat is moi, dat du mien Siet all lesen hest. Et is tatsächlich dat erste moal, dat ik up plattdütsch wat schrieve. Aver et makt me tonemend mehr Spoaß. Besünners dat, wat man up hochdütsch so nich seggen droeff, wat aver up platt ganz anners lustert. Nu to dien Fraag. Wie prot in Emsland tatsächlich mehr son hollands platt. So segg wie Berg statt Barg un Naamen statt Naams. Ok faken segg wie nich, aver twintig Kilometer wieder prot sei so. Dorüm verstoo ik dat wall. Et is bannig schwor eine Schriftsproake för platt to finnen, man ik segg di et is ja wunnerbar, dat wie so proten und schrieven könnt as us dat muhl wassen is. Bis dann, un smiet nich mit´n toerf! ----Heini 20:54, 15. Nov 2007 (CET)

Lemma

Moin, wat för'n Grund hett dat Schuven nu hatt? Gifft dat noch mehr Öörd, de Baccum heet? Wenn ja, denn schüll dat Dörp aver na Baccum (Lingen) schaven warrn, so is dat hier an sik begäng. De Schrievwies mit den Schraagstreek de is nich de offizielle Beteken, oder? --Iwoelbern 17:30, 16. Nov 2007 (CET) Ik se jüst, dat Du dat op de:WP ok schaven hest. Dor gellt natürlich dat lieke. Und dat is ok nich jüst begäng, de Plattdüütsche Wikipedia op de:WP to verlenken. Dorför gifft dat doch al de interwikis. --Iwoelbern 17:31, 16. Nov 2007 (CET)

Man, ik heb mi dor bi dach, dat dat ok up plattdütsch bi Google funnen wet. Wenn du Baccum bi Google ingivs, wet nur de hochdütske Siete verlinkt. Un et giv ja ok noch annere Lüü, besünners in Holland mit düssen Namen. Wenn dat so verkehrt is moss du dat seggen. Dat kann ok anners wern.--Heini 23:24, 16. Nov. 2007 (CET)

Vun wegen Google, bruukst di dor keen Möh to maken. As ik segg: Dat gifft de Interwiki-Lenken, de in de Artikels binnen staht, so kummt en ganz licht, vun de:WP ok na annere Spraken. Dorto sett man in den düütschen Artikel eenfach an'n End [[de:Baccum]]. Weblenken sünd nich nödig. Aver Google finnt uns plattdüütsche Siet ok. Kann aver wesen, dat dat ’n beten duert, bit dat dor mit binnen is.

Wenn dat Lüüd gifft, de en Artikel kriegen schüllt, denn maakt en Siet för en Mehrdüdig Begreep woll Sinn. Man, to Tiet sütt mi dat nich dorno ut, as wenn dor noch mehr Artikels bi rutkamt. Aver dat is jo man ok blots en Deel vun den Naam. Denn geiht dat ok ahn so en Siet. Ik weer vörslahn, dat wedder torüch to schuven. Wenn dor noch wat kummt, mit den Naam, kann man sik dor noch wat överleggen, woans dat an’n besten geiht. --Iwoelbern 00:04, 17. Nov. 2007 (CET)

Dat dat is in Ordnung, so. Ik heb noch een Problem dormit, wat up de plattdütsche Siete to finden, weil ja alles unnerschiedlich scheben wet. Kannst du dortoe wat seggen.? --Heini 06:30, 19. Nov. 2007 (CET)

Ik weet nich recht, wat Du nipp un nau weten wull. Wat söchst Du denn? --Iwoelbern 08:30, 19. Nov. 2007 (CET)

Artikel umschreven

Hier is ja een böös biween un hett den ganzen Artikel up'n Kopp stellt. So geiht dat an un for sik nich. Denn hefft de annern all de Arbeit un mütt allens dörkieken un ameene torüch dreihn. --Bolingbroke ✍ 20:46, 30. Jul. 2010 (CEST)

Zahlen

Ik müch dor doch um bidden, plattdüütsche Wöör to bruken. Ik weet woll, dat veele Dialekte na de hoochdüütsche Spraken röverpliern doot un datt vun dor ut hoochdüütsche Wöör an de Stäe vun de plattdüütschen treedt, man Zahl is up Platt nu jummers noch Tahl (oder Tall) un so schall dat hier ok Tahlen heten un nich Zahlen. --Bolingbroke ✍ 14:37, 31. Jul. 2010 (CEST)

Ännern van Diskuschion Baccum Hallo Bolingbroke: Ick häb jüst de Diskuschion ower mien Schriewen lesst. Et passt mie sülwes nich, dät ick die mit mien Werk to Last fallen mott.To erste will ick aber besten Dank seggen, dät du die meldes un mie gude Roatschläge giffs. Ick bin bie Wickipedia ne'i. Dät ick de Version ganz up'n Kopp stellt häb, dät is woar. Dät was aber ock nödig. Dät hoachdütske Schriewen, woar ick dät plattdütske van affnommen häb, häb ick all vörher up'n Kopp stellt. Doar stönd 'nen ganzen Deel in, watt nich woar was. De Schriewer Wessmann konn dät ock nich noawiesen. Dät Schlimmste was noch, dät he es Quelle eent van miene Böker angewen häff. Doar konn ick nich upp schwiegen. Ick hepp emm doaruphen anschrewen un woll dät mit emm in'ne Riege maken, man doar häff he sück nich up meldet. Wickipedia is 'ne gude Inrichtung, wenn doar aber Quatsch in'ne stäht, iss de Verein tolesste nicks mehr wert. Doar blew mie nicks anners öwer, äs dät Werk to ännern un ümtoschriewen. Ock ut mien egenet Intresse. Ick wöar dankbar, wenn miene plattdütske Version, de ja mit de hochdütske eens wesen mot, ock owernommen weer'n konn, de hochdütske Deel kann ruhig wegfallen. De Quellen van miene Oortsgeschichte häbb ick in de hochdütske Version noahwiesen.

Ick häb nu all dätig Joahr Oortsgschichtsforschung bedrewen. Watt ick in de Tied herutfunnen häb, doarvan häb ick errelke Böker herutgewen. Watt de Mundoarten angäht, iss dät son Werk, du sprecks diene Mundoart un ick miene. Ick bin nu all achtig Joahr old un häb mien Lewen lank platt sprocken. Äs ick noa de Schoule kömp, was Hochdütsch miene "erste Fremdsproake". Ick we'it,dät mit de Tied hoachdütske Wöre in de plattdütske Sproake kommen bind. Errelke doarvan häbt doar ock all 'nen fasten Platz funnen, doaför föllen dann plattdüstke Wöre weer weg. För errelke hochdütske Wöre giff et ock garkiene plattdütske. Bie de ollen Sproaken, doartau hört ock Plattdütsk, gäht et nich soa groat üm dät Rechtschrieben, man schriff soa es man ett spreck un dätt iss van Dörp to Dörp anners. Wenn ick bie miene Forschungen Schriewen lese, de all dree- oder veerhunert Joahr old bind stoaht doar ock Wöre in, de vandage kien Menske mehr verstäht. Wenn man vandage Wöre brenk, de et all siet hunnert Joahr nich mehr giff, de et al siet hunnert Joahr nich mehr giff, verstoaht ock de Löh de nich, de platt spreckt. Use Sproake häff sück immer ännert un wät dät ock wiederhän doon. Int allgemene kann ick doar wall bie bliewen, dät ick mien Werk soa schrewen häb es ett hier sprocken wett.

1. 4. 2010, 15 Uhr P.H.

Im Grunne hest du natüürlich Recht un dor is ok gornix gegen in to wennen. Man du wullt mi doch nich vertellen, datt Ji in't Emsland Zahlen för Tahlen bruukt? Du kannst di överigens ok anmellen bi us. Denn giffst du di en Brukernaam (dat mutt nich dien richtigen Naam ween, kann ok en Ökelnaam oder Arbeitsnaam ween) un denn bruukst du achter diene Bidräge bloß twee mol düt Teken: -- to maken un denn glieks achterher veer mol düt: ~ un denn kümmt dien Brukernaam ganz vun alleen mit Datum un Tied. Beste Gröte un nix för Ungoot! --Bolingbroke ✍ 18:18, 1. Aug. 2010 (CEST)

Also hier bi uns op de Stoder Geest heet dat ok Zohl. Aver liekers bruuk ik hier Tall. Ik will ja för de Plattdüütschen allgemeen schrieven un nich blot för miene Lüüd op de Stoder Geest. Un dat gode ole plattdüütsche Woord is Tall/Tahl un nich Zohl. --::Slomox:: >< 03:22, 2. Aug. 2010 (CEST)

Hallo Bolingbroke: Ick häb die'n ne'iet Schrieven lesst. Ick gewe tou, ock bie uss hett et nich Zahlen, et hett Tahlen. Doarmit bin wie us dann wall eenig. Watt miene Touhörikät bie Wickipedia angäht, häb ick mie doar ock all Gedanken ower maket. Dät ick bie Wickipedia drinkommen bin, kömp doarfan, dät ick de Oortsgeschichte van Baccum, Ramsel un Münnigbüren richtig doarbrengen woll. Watt de vörige Autor brach häf, doar konn ick nich mit to free we'n. Ick kenn denn Mann un et döt mie ock le'id, dät ick emm dät andoun mossde. Anunversük soll, wenn dät mit Baccum affschlotten is, miene Arbät bie Wickipedia ock affschlotten wesen. Ick häb ja all schrewen, dät ick achtig Joahr bin, i'n Kopp bin ick aber noch rech gut.

Alles Gude un Gesundhäd P.H. 2.4.2010, 13,50 Uhr