Diskuschoon:Christian Richard Bauer

Ik lööv, de will uns vernarrbruken! De Artikel is von Bauer sülvs anleggt. Oder tominnst een, de sik för em utgifft. Un nu is em opmaal opfullen, dat he dree Johr jünger is? Sien egen Websteed hett vergangen Johr noch seggt, dat he 1984 boren is. Is noch bi dat Internett-Archiv to sehn: [1]. Dat is doch woll düchtig gediegen... --::Slomox:: >< 15:52, 22. Jan. 2014 (CET)

Ik weet ok nich, wat ik dorvun holen schall… De Websteed, de nu as Born angeven weer, gifft dat un sütt ok nich so ut, as wenn dat Schmuu weer. De glieke Siet warrt ok vun’t Ohnsorg-Theater verlenkt, woneem he op de Ensemble-Siet nöömt is. Also: geven deit em dat woll. De Saak mit dat Johr blifft snaaksch. Kann een Schrievfehler wesen hebben, man, denn wunnert mi dat ok, dat dat nich fröher opfallen is. Kann mitünner ok wesen, dat he sik inst öller maakt hett, wenn dat ennerworrns en Mindstöller geven hett. --Iwoelbern ✍ 16:12, 22. Jan. 2014 (CET)

Bi de Volksspielbühne Rissen hett he tominnst 1996 anfungen. De hebbt en Archiv mit jemehr ole Stücken: [2]. Un noch een 1997 mit poor betere Biller von em: [3]. --::Slomox:: >< 17:24, 22. Jan. 2014 (CET)

Un op dat Gymnasium Rissen hett en Christian Bauer 2004 Abitur maakt: [4]. Dat sprickt för 1984. --::Slomox:: >< 17:32, 22. Jan. 2014 (CET)