Diskuschoon:Fauna

Ik wull maal jüst fragen, worüm hier in de Wikipedia överall vun "Deer/en" snackt warrt. Na mien Weten heet dat Woort meist överall "Deert", ok mien Nakieksels kennt keen "Deer", bloots dat "Deert".

En anner Saak is dat Woort "Beest", wat hier synonüm för Deer(t) bruukt warrt. Ik kenn "Beest" bloots för Wilddeerten oder de, vör de Een sik in Acht nehmen schull (tominnst as Grundsatz), so t.B. för Wulf un Boor oder Koh un Peerd, man nich för Stallhaas, Katt oder en fraam Rott (utbenahmen as Spaaß).

Ik weet nu nich, schall ik dat maal ännern?

Gröten, SoeDib

Is mi ok all opfallen. De Sass seggt ok Deert, man dor warrt ok Beest mit angeven. No Geföhl, weer ik dat aver ok blots för wild levend, man egentlich gor blots för gefäährlich, Deerten bruken. Aver bi dat Deerriek wett ik ok nich... Deertriek höört sich nich good an, denn lever Deertenriek. --Iwoelbern 16:57, 13. Dez 2006 (CET)

Na mien Weten is Beest sunnerlich en Woort for Keih, meist in'n Plural bruukt: De Beester staht noch in'n Stall.--Bolingbroke ✍ 11:21, 18. Apr. 2012 (CEST)

Wi hebbt Keih hatt, un bi uns hebbt blots de jungen Keih Beest heten. Dat geiht so: Kalv (de eersten poor Weken) -> Beest (jung Deert) -> Stark (wenn se dat eerste Kalv kriggt) -> Koh. --::Slomox:: >< 11:32, 18. Apr. 2012 (CEST)

Na ja, soo akkerat hoolt wi Stadtminschen dat natüürlich nich ut'neen ;-) --Bolingbroke ✍ 11:42, 18. Apr. 2012 (CEST)

Nich op Stand

De Wetenschop is nich stahn bleven: Disse Artikel (de keen is, man blots en Diagramm) is intwüschen so oolt, dat dor veel al nich mehr stimmt. Verkehrt verlenkt is de ok op de:Tierreich - tomindst, wenn en to grunnen leggt, wat hier binnen steiht. Denn müss at woll op de:Systematik der Vielzelligen Tiere wiesen, wobi dor nich all Twiegen vun’t Diagramm mit binnen sünd. So oder so, is dat hier nich mehr op’n ne’esten Stand. Kortüm: Disse Artikel mutt nee!

Fraag 1: Wat schall ünner dit Lemma stahn? De Systematik oder en allgemeine Verkloren, wat'n Deer is? Fraag 2: Ween Deer, leegt wi de Systematik nee an oder laat wi dat wech? Fraag 3: Wenn Systematik, schuuvt wi dat nich beter op’n anner’t Lemma? --Iwoelbern ✍ 00:22, 27. Aug. 2010 (CEST)

Fraag 3: Ja. Dat Lemma kunn denn heeten (Deerriek (Systematik))217.92.177.93 08:56, 27. Aug. 2010 (CEST) aka: Eastfrisian

Ik hebb den ganzen Artikel rutsmeten un den hoochdüütschen Artikel nee oversett. De hett Tierwelt un Tierreich verlenkt na Fauna. Vundeswegen hebb ik DÜSSEN Artikel oversett un na dat Lamma Fauna schaven. Tier oder Deert mutt nu noch nee maakt weern. --Bolingbroke ✍ 17:10, 18. Apr. 2012 (CEST)