Diskuschoon:Kööm

Bi us (in Bremen) is en Kööm ok en ganz normolen Koornbrand. Is dat blooß bi us so, oder mütt wi dat hier inarbeiden?--Bolingbroke 00:35, 2. Jan. 2009 (CET)

Dat is hier ok so un anners kenn ik dat nich. --::Slomox:: >< 13:14, 2. Jan. 2009 (CET)

De Interwiki-Lenken wiest all op Aquavit, wat ne mien Verstahn ’n sünnere Soort vun Snaps is. De warrt woll ut Kööm (also „Kümmel“) maakt, warrt bi uns in’t Rebeet aver Aquavit nöömt. Kööm kenn ik eher as’n Sammelbegreep för alln's wat Alkohol bargt. --Iwoelbern ✍ 20:35, 2. Jul. 2009 (CEST)

_Allens_, wo Alkohol in is, op gor kenen Fall. Keen Beer oder Wien. Blot Snaps. Aver ik nehm an, dat hest du ok meent. Un bi'n Snaps kummt dat op an. Wenn du seggst He drinkt to veel Kööm. denn is dor mit meent, dat he to veel Snaps drinkt, also Spirituosen allgemeen. Aver wenn een fraagt Giffst du en Kööm ut? denn dröffst du blot mit Koorn ankamen. Bi uns in'e Ümgegend bedüüdt Kööm en Koorn (von Strothmann, mientwegen ok noch von Hardenberg, aver ans nix). Aver de "Standard-Snaps" is ja von Region to Region anners. Gifft Dörper, dor drinkt se veel lever Springer oder Carolus. Allens Barbaren. In Sleswig-Holsteen gifft dat ok de Grenz twischen "witten Kööm" un "gelen Kööm". De witte Kööm is Koorn, aver ik weet nich, wat de gele Kööm is (warrt in Sleswig veel drunken). Kann angahn, dat is so'n Soort Aquavit (de is ja geel). Kummt also mit op de Region an. --::Slomox:: >< 22:25, 2. Jul. 2009 (CEST)

Jo, seker heff ik dat meent. Harden Alkohol oder ok Sluck. Beer un Wien warrt op’n Land jo meist gor nich as Alkohol ansehn. Aver stimmt woll, mit Kööm is in uns Ümgegend tomeist Koorn meent, wat anners warrt jo ok kuum drunken. Ünnerscheedt warrt noch Wienbrannt un Kunjak. Wat den holsteenschen "gelen Kööm" angeiht, kann ik mi mol ümhöörn. Ik kenn een, de ut Flensborg kummt un dat an sik weten müss. Nu weet ik blots nich - is jede Aquavit geel? Ik meen nich... Opletzt blifft nu aver de Fraag, wat wi mit den Artikel maakt. So as he is, dröppt dat de Saak nich so recht. --Iwoelbern ✍ 23:51, 2. Jul. 2009 (CEST)

Ja, ik dach, ik harr dor noch n Buddel vun in't Schapp stahn, man de is worraftig al weg...Harr'k nich dacht...Nu kann ik ok bloß seggen, ik meen, de gele Kööm, dat weer en Aart vun Aquavit.--Bolingbroke ✍ 10:41, 3. Jul. 2009 (CEST)

Ik heff mol'n beten googelt und dorbi twee Internetthännlers funnen, de em anbeden doot. Bi beide steiht he as "Kümmel" in't Sortiment. De een hett bito ok "Aquavit" in't Anbott, man de Gele Kööm steiht liekers ünner "Kümmel". Mi dücht dorüm, dat "Kümmel" un "Aquavit" nich nipp un nau dat sülve sünd. Villicht is dat wat in'n Artikel steiht, even doch jüst dat, wat den "Kümmel" beschrifft. Na Sass is Kööm jo ok de Översetten vun "Kümmel". Wenn sik dat Woort naher as Böverbegreep för all/de meisten Snapssorten dörsett hett, kann dat dorbi schreven warrn. --Iwoelbern ✍ 11:32, 3. Jul. 2009 (CEST)