Diskuschoon:Nedderdüütschland

Wat will disse Artikel wesen? Mi fehlt dor de klore Definition. Wenn dat blot üm Spraak geiht, wat hett denn Geest un Katholizismus mit Spraak to doon? Oder geiht dat villicht mehr üm en Kulturruum? Denn schull de Artikel villicht Nedderdüütsch Kulturruum heten. Wenn dat so wesen schall, denn fehlt ok noch sowat as de Backsteen-Bokunst (Backsteen-Gotik, Backsteen-Romanik, Backsteen-Expressionismus). --::Slomox:: >< 19:20, 6. Jul. 2008 (CEST)

Theorie?

Gifft dat vör den Inholt vun dissen Artikel egentlich ok so wat as’n Born? Dat lett, as wenn dat mol so’n beten Brainstorming weer, wat to en Text tohopensett worrn is. Gifft dat den Utdruck Nedderdüütschland wirklich, oder hest Du di dat utdacht? Ik heff dor so mien Twiefeln. --Iwoelbern 20:32, 6. Jul. 2008 (CEST)

Den Utdruck gifft dat. Wenn du em bi Google ingiffst, denn kriggst du toeerst wat ut Pierer sien Universal-Lexikon un ut Meyer sien Konversations-Lexikon. Aver de Artikel gefallt mi ok nich recht. --::Slomox:: >< 23:34, 6. Jul. 2008 (CEST)

Dat dat den Utdruck gifft, dat glööv ik woll. Aver is dat ok belegt, wat de bedüüdt? Dat is ne Sammlung vun Gedanken, de as Fakten dorstellt warrt. Ahn Angaven vun Borns un Referenzen geiht dat nich - de Utsagen mööt jo ennerworrns herkamen wesen. --Iwoelbern 23:40, 6. Jul. 2008 (CEST)

Noordlandflagg

Ik finn, de passt in den Artikel. Sarcelles ✍ 20:42, 14. Jun. 2010 (CEST)