Diskuschoon:Penthouse

Den eersten Satz verstah ik nich. Dor is woll wat scheef lopen... --Iwoelbern ✍ 11:12, 17. Nov. 2011 (CET)

Pornographie

Ik hool dat Blatt nich un hebb dat noch nich eenmol lesen, man ik hebb mienen Twiefel, dat düt Magazin for Mannslüde as pornograaphsch intaxeert weern kann. Up de düütsche WP steiht denn ok, dat swooj so'n beten twuschen Erotik un Pornographie. Ik meen, ok bi düsse Saken mött wi uppassen, dat wi for us Ordeel nich use persönliche Meenung togrunne leegt, man dat wi den neutralen Standpunkt bi behoolt. --Bolingbroke ✍ 11:35, 17. Nov. 2011 (CET)

Wenn ik dat recht weet, weer dat Blatt free in Hannel to kriegen. Vun dorher kann dat keen Pornografie wesen hebben. För Saken af 18 Johren gellt sünnere Bestimmungen - tomindst in Düütschland. De Briten un de USA sünd dor jo tomeist noch strenger. --Iwoelbern ✍ 11:48, 17. Nov. 2011 (CET)

Na, wenn man op de:WP den Afsnitt Geschichte, sünners Verschärfung lesen deit, denn weer dor tomindst tietwies woll doch Pornografie mit dorbi. --Iwoelbern ✍ 11:55, 17. Nov. 2011 (CET)

Ik heff dat dunntomalen so ut de.wp översett un dor stünn dat so. Mien Verscheel is dat also nich wesen, ik heff nix gegen Pornografie oder gegen Penthouse. Ik heff dat nu op an de Grenz na de Pornografie ännert. --::Slomox:: >< 13:09, 18. Nov. 2011 (CET)

Mehrdüdig

Dor fallt mi noch wat in: Penthouse betekent jo ok en sünnere Oort vun Wahnung. Gifft dat dorför en plattdüütschen Utdruck oder bruukt wi dat engelsche Woort? Gifft aver ok noch Filmen un annere Saken, de Penthouse nöömt waart. De Artikel müss mien Ansicht na op Penthouse (Blatt) oder Penthouse (Tietschrift) schaven warrn. --Iwoelbern ✍ 11:48, 17. Nov. 2011 (CET)

Wenn di dat wichtig is, maak dat mientwegen. Heff ik nix gegen. Aver unbedingt nödig is dat woll nich. En inbörgert plattdüütsch Woord is dat Woord för de Wahnung nich, dücht mi. En annert Woord kenn ik aver ok nich. Dackhuus fallt mi in, aver dat bedüüdt al wat anners (mit Reet deckt Huus). Ans gifft dat blot den Film von 1933, de annere Kraam op en:Penthouse heet The Penthouse oder is nich würklich wichtig för uns. --::Slomox:: >< 13:16, 18. Nov. 2011 (CET)