Dogma (Film)
Dogma is de Titel vun en US-amerikaansche Fantasy-Satire ut dat Johr 1999. De Film is mit hoochgraadige Persönlichkeiten ut dat Filmgewarf besett un föhrt de New-Jersey-Filmreeg wieter.
| Filmdaten | |
|---|---|
| Plattdüütsch Titel: | — |
| Originaltitel: | Dogma |
| Düütsch Titel: | Dogma |
| Produkschoonsland: | USA |
| Johr vun’t Rutkamen: | 1999 |
| Läng: | 120 Minuten |
| Originalspraak: | Engelsch |
| Öllersfreegaav in Düütschland: | FSK 16 |
| Filmkru | |
| Speelbaas: | Kevin Smith |
| Dreihbook: | Kevin Smith |
| Produkschoon: | Scott Mosier Kevin Smith |
| Musik: | Howard Shore Alanis Morissette |
| Kamera: | Robert Yeoman |
| Snitt: | Scott Mosier Kevin Smith |
| Szenenbild: | Robert Holtzman |
| Kledaasch: | Abigail Murray |
| Dorstellers | |
| |
Inholt
ännernDe beiden Engels Loki un Bartleby hebbt sik dat vör dusenden vun Johren al mit Gott verscherzt un sünd vun em op ewig un all Tieten ut’n Himmel na Wisconsin verbannt worrn. Nu wüllt se aver wedder torüch na Huus. Vun den Dämon Azrael warrt jem en Artikel ut en Daagblatt tospeelt, dat jem en mööglichen Weg opwiesen deit: En Kardinal ut New Jersey hett för, to de Eenhunnertjohr-Fier vun sien Kark all Katholiken en generell Vergeven vun jemehr Sünnen anbeden, sodraad se in sien Kark ringaht. Op dissen Weg hapt Loki un Bartleby wedder in’n HImmel torüchkamen to künnen. Man, wenn dat funkschoneeren schüll, stünn dat dorgegen, dat Gott jümmer allns richtig maakt un all Existenz weer tonichten maakt.
As Gott vun en Skee-Ball-Utfohrt (in de düütsche Faten: vun’n Minigolf) in Minschengestalt nich wedder torüchkamen is, mutt nu de personifizeerte Stimm vun Gott, also de Engel Metatron, de eenzige noch leven Nakamen vun Jesus Christus sien Öllern, Bethany, dorvun övertügen, dat se de beiden Engels ophollen mutt. Bethany warrt ünnerstütt vun den swarthüütigen dörteihnsten Apostel Rufus – de doröver klaagt, dat he in de Bibel nich binnen steiht – vun de beiden Propheten Jay un Silent Bob, as ok vun de Muse Serendipity – de woll annere Lüüd to inspireeren weet, sülvst aver as Strippersche arbeit, vunwegen dat ehr as Schrieversche de Inspiratschoon fehlt hett.
Op jemehr Odyssee na New Jersey kriegt Bethany un ehr Helpers dat mit verschede Feenden to doon, ünner annern mit en Höllendämon, den Golgathaner, de ut de Schiet vun krüüzigte Verbrekers entstahn is. Se künnt aver en un ok Azrael utschalten. In de Twüschentiet gaht Loki un Bartleby aver as Wraakengels üm un maakt ü.a. de Vörstandsliddmaten vun en Speeltüüchfirma an de Siet, vunwegen dat se mit jemehr Produkt, en golden Tekentrick-Kalf, vörgeevlich en Götzenbild maakt un bito noch en Reeg vun annere swore Sünnen begahn hebbt.
As Bethany un ehr Helpers bi de Kark ankamen doot, hebbt de beiden Engels al en gresig Bloodbaad anricht, wiel Loki in de Twüschentiet Twievel kregen hett. Opletzt murkst Bartleby ok sien Kamerad Loki af. Dat sütt so ut, as wenn em nich bitokamen weer, man denn finnt Bethany rut, woneem sik Gott opholen deit: He stickt in’n Lief vun en Mann, de in’t Koma liggt, siet Azrael sien Mackers em ümhaut hebbt – wat glieks to’n Afang vun’n Film wiest warrt. Bethany schallt de Apparaten af, de den Mann twüschen Leven un Dood fangen holt un befreet em dormit. An de opstiegen Macht vun Gott blifft se dorbi aver dood.
Glieks dorop duukt Goot in Gestalt vun en Fro vör de Kark op un hollt Bartleby torüch. Se vergifft em. As Silent Bob de dode Bethany na de Kark bringt, warrt se vun Gott wedder vun’n Dood opwaakt. An’t Enn vertellt Metatron ehr, dat se en Dochter kriegen schall, op de grote Opgaven op ehr tokamen schüllt.
Kritik
ännern- Paul O'Callaghan vun de Orlando Weekly beschrifft den Film as „lustig, rasant un provokativ“.
- filmcritic.com: Dogma blifft een vun de lustigeren Filmen vun’t Johr. Aver noch wichtiger, wat du nu Smith sien Ansicht büst oder nich, di warrt seker op de Fööt pedd.[1]
- DVDTown.com: De Kummedie is goot konstrueert un utföhrt in sien eersten Hälft, warrt denn aver jümmer langsomer bit hen to en duersom, möhsom Anhollen.[2]
Utteken
ännernDe Film hett keen Filmpriesen wunnen, weer aver in de Johren 2000/01 för tohopen söss Utteken nomineert, alleen dreemol för dat beste Dreihbook. Salma Hayek weer dorgegen as Slechst Nevendorstellersche för de Goldene Himbeer vörslahn.
Borns
ännernWeblenken
ännern- Dogma in de Internet Movie Database (engelsch)
- Kritiken to Dogma op Rotten Tomatoes