Donald Arthur Schollander

Donald Arthur „Don“ Schollander (* 30. April 1946 in Charlotte, North Carolina) is en ehmalger US-amerikaansch Swemmsportler.

Schollander fung as Kinnergorodenkind mit dat Swemmen in de Swemmschool vun sien Unkel Newt Perry in Florida an. He truck in de Grundschooltiet mit sien Öllern nah Lake Oswego, wo he in de School hulp de Meesterschap vun Oregon to winnen. Um sück technisch ünner best Anleiden to verbeetern, truck he 1962 nah Santa Clara (Kalifornien) un hett dor bi George Haines in den Santa Clara Swim Club traineert. Hier wunn he dree amerikaansch Vereensmeesterschapen vun de AAU. Hier hörr he ünner ok to de Delta Kappa Epsilon (Phi chapter) Fraternity, de sülvige as de künftige amerikaansch Präsident George W. Bush. Bi de Olympisch Spelen 1964 in Tokio wunn he veer Goldmedaillen. Neben den Olympiasiegen mit de 4×100 m un 4×200 m Freestilstaffel wunn he ok de 100 m un 400 m Freestil. Bi de Olympisch Spelen 1968 in Mexiko wunn he Gold in de 4×200 m Freestilstaffel (gemeensam mit John Nelson, Stephen Rerych un Mark Spitz

Insgesamt hett he 20 Weltrekorde upstellt.

1964 wurr Schollander mit de Sportler vun dat Johr-Utteknung vun Associated Press ehrt. In dat sülvig Johr kreeg he ok den James E. Sullivan Award as best Amateursportler vun dat Johr in den USA. 1965 wurr he in de Ruhmeshall vun den internatschonalen Swemmsport upnommen. Nah dat Enn' vun sien sportlich Loopbahn truck he weer nah Lake Oswego, wo he as Immobilienmakler un -entwickler sülvständig arbeit.

Böker

• Don Schollander un Duke Savage: Deep water. Crown, New York 1971, ISBN 0-7207-0542-8.
• Don Schollander un Joel H. Cohen: Inside Swimming. Contemporary Books, Chicago, Ill. 1974, ISBN 0-8092-8905-9.

Weblenken

• Don Schollander in de International Swimming Hall of Fame (engelsch)