Donna Theo Strickland

Donna Theo Strickland (* 27. Mai 1959 in Guelph, Ontario) is en kanaadsch Laser­physikerin. Hörr wurr 2018 gemeensam mit Gérard Mourou un Arthur Ashkin för „bahnbreekend Utfinnen in den Beriek van de Laserphysik“ de Nobelpries för Physik tospraaken. Nach Marie Curie un Maria Goeppert-Mayer is se dormit de darte Frau, de den Nobelpreis för Physik kreeg.

Donna Strickland (2012)

Biografie

Strickland hett af 1977 Physikingenieurwesen an de McMaster University studeert mit den Bachelor-Afsluss 1981. In dat Johr 1989 kreeg se hör Doktertitel van de University of Rochester in Physik bi Gérard Mourou. Thema van hör Dokterarbeit weer (Development of an ultra-bright Laser and an application to Multi-Photon-Ionization). As Post-Doktorandin forsch se van 1989 bit 1991 för den National Research Council in Kanada, weer een Johr in de Laserafdeelen van dat Lawrence Livermore National Laboratory un af 1992 an dat Advanced Center for Photonics and Optoelectronic Materials van de Princeton University. Se weer siet 1997 Assistant Professor un is siet 2002 Associate Professor an de University of Waterloo. Siet 2007 is se stellvertreeden Vörsittersche (Associate Chair) van de Physikafdeelen.

Strickland befaat sück mit nichtlineare Optik, de Wesselwirken van intensiv Laserlucht mit Materie un ultrakört Laserpulsen. 1985 hett se mit Gérard Mourou de Chirped Pulse Amplification entwickelt, de dat Ertüügen van ultrakört Laserpulse mit düchtig hooch Intensität erloovt. Strickland hett in hör Dissertatschoon disse Methood entworfen, deren Oorsprünge in de Radartechnik bi de Lösung van en ähnlich Problem liggen. Se finnd to’n Bispeel Gebruuk in de Oogenchirurgie, en Rebeet, up dat Strickland ok aktiv is, as ok bi de Materialbearbeitung. Dat is de gängigste Technik för dat Ertüügen van hoochintensiv Laserpulse. In jüngere Tiet hett se en System to dat Ertüügen van ultrakört Femtosekunden-Laserpulse över de Anreegen van Raman-Moden up völ Frequenzen (multi-frequency Raman generation, MRG), van Infraroot bit Ultraviolett entwickelt. Buterdem hett hör Grupp en gepulst Glasfaser-Lasersystem in den Beriek van de Infraroot-Fingerafdrücke van de Molekülphysik entwickelt.

Strickland weer in dat Herutgevergremium van Optics & Photonics News, un van 2004 bit 2010 Spartenherutgeverin för Optics Letters.

Utteknungen un Liddmaatschapen

• 1998: Stipendiatin van de Alfred P. Sloan Foundation (Alfred P. Sloan Research Fellow)
• 1999: Premier’s Research Excellence Award (PREA) van Ontario
• 2000: Cottrell Scholars Award from Research Corporation
• 2008: Mitglied der Optical Society of America (hüüd The Optical Society), 2013 deren Präsidentin
• 2018: Nobelpries för Physik

Schriften (Utwahl)

• mit Gérard Mourou: Compression of amplified chirped optical pulses. In: Optics Communications. Band 55, 1985, S. 447–449, doi:10.1016/0030-4018(85)90151-8
• mit P. Maine, M. Bouvier, S. Williamson, G. Mourou: Picosecond pulse amplification using pulse compression techniques. In: G. Bjorklund, E. Hinkley, P. Moulton, D. Pinnow (Hrsg.): Conference on Lasers and Electro-Optics. OSA Technical Digest. Optical Society of America, 1986, PDF, 118 KB
• mit P. Maine, P. Bado, M. Pessot, G. Mourou: Generation of ultrahigh peak power pulses by chirped pulse amplification. In: IEEE Journal of Quantum Electronics. Band 24, 1988, S. 398–403, doi:10.1109/3.137
• mit S. August, D. D. Meyerhofer, S. L. Chin, Joseph H. Eberly: Tunneling ionization of noble gases in a high-intensity laser field. In: Physical Review Letters. Band 63, 1989, S. 2212, doi:10.1103/PhysRevLett.63.2212
• mit Paul Bruce Corkum: Generation and nonlinear interactions of high power 20-fs pulses. In: A. Owyoung, C. Shank, S. Chu, E. Ippen (Hrsg.): International Quantum Electronics Conference (= OSA Technical Digest, Band 8). Optical Society of America, 1990
• mit S. August, D. D. Meyerhofer, S. L. Chin: Laser ionization of noble gases by Coulomb-barrier suppression. In: Journal of the Optical Society of America. Band 8, 1991, S. 858–867, doi:10.1364/JOSAB.8.000858
• mit M. D. Perry, T. Ditmire, F. G. Patterson: Cr:LiSrAlF₆ regenerative amplifier. In: Optics Letters. Band 17, 1992, S. 604–606, doi:10.1364/OL.17.000604
• mit Y. Beaudoin, P. Dietrich, Paul Corkum: Optical studies of inertially confined molecular iodine ions. In: Physical Review Letters. Band 68, 1992, S. 2755, doi:10.1103/PhysRevLett.68.2755
• mit C. W. Hillegas, J. X. Tull, D. Goswami, W. S. Warren: Femtosecond laser pulse shaping by use of microsecond radio-frequency pulses. In: Optics Letters. Band 19, 1994, S. 737–739, doi:10.1364/OL.19.000737
• mit Paul Corkum: Resistance of short pulses to self-focusing. In: Journal of the Optical Society of America B. Band 11, 1994, S. 492–497, doi:10.1364/JOSAB.11.000492
• mit Z. Zhang, A. M. Deslauriers: Dual-wavelength chirped-pulse amplification system. In: Optics Letters. Band 25, 2000, S. 581–583, doi:10.1364/OL.25.000581

Weblinks

Donna Theo Strickland. Mehr Biller, Videos oder Audiodateien to’t Thema gifft dat bi Wikimedia Commons.

• Homepage van Donna Strickland bi de University of Waterloo
• Bruukerprofil van Donna Strickland, Google Scholar, 2018 (engelsch), afropen an’n 29. Januar 2019
• Biographie van Donna Strickland bi de OSA