Dunkeln Roofkäver
Bi den Dunkeln Roofkäver (Ocypus tenebricosus) hannelt sik dat um en Käver ut de Familie vun de Kortflunkenkävers (Staphylinidae). Vunwegen siene korten Deekflunken lett he ehrder na en Ohrenknieper, as na en Käver.
Dunkeln Roofkäver | ||||||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|
Systematik | ||||||||||||||||||||
| ||||||||||||||||||||
Wetenschoplich Naam | ||||||||||||||||||||
Ocypus tenebricosus | ||||||||||||||||||||
Gravenhorst, 1846 |
Kennteken ännern
De Kävers sünd 24-32 Millimeters lang. Ehr Lief is swatt, bloß dat leste Le'e vun de Föhlspriete, un de Ennen vun de Schenen (Tibia) un de Hacken (Tarsen) sünd bruun. Dat Halsschild is langer, as de Deekflunken. He kann nich flegen. Bi den Swatten Stinkkäver, na den he laten deit, is dat Halsschild körter, as de Deekflunken, bovendem hett de Stinkkäver an't Achterlief en hellen Suum un flegen kann he ok.
Wo he vörkamen deit un wie he leevt ännern
De Deerter leevt in Middeleuropa, in Noorditalien un up'n Balkan. Nich to finnen sünd se in de Nedderlannen un up de Eilannen vun Grootbritannien. Se hoolt sik in'n Woold up un leevt in't Siedland, man ok in de Barge, wo se fökener uptreden doot. Dor versteekt se sik unner Steen un Holt un anner Saken.
Literatur ännern
- Jiři Zahradnik, Irmgard Jung, Dieter Jung et al.: Käfer Mittel- und Nordwesteuropas, Parey Berlin 1985, ISBN 3-490-27118-1
- H. Freude, K. W. Harde, G. A. Lohse: Die Käfer Mitteleuropas. Band 4. Staphylinidae I (Micropeplinae bis Tachyporinae)., Goecke & Evers Verlag, Krefeld, 1964.