Dwarg-Sneegoos

De Dwarg-Sneegoos (Anser rossii oder ok Chen rossii), ok Ross siene Sneegoos nömmt, is en Goos ut dat Geslecht vun de Feldgöse. Se höört dor to de Aantenvagels mit to.

Dwarg-Sneegoos; Ross siene Goos
Dwarg-Sneegoos (Anser rossii)
Systematik
Ünnerstamm: Warveldeerten (Vertebrata) Klass: Vagels (Aves) Ornen: Gösevagels (Anseriformes) Familie: Aantenvagels (Anatidae) Ünnerfamilie: Göse (Anserinae) Tribus: Echte Göse (Anserini) Geslecht: Feldgöse (Anser) Oort: Dwarg-Sneegoos
Wetenschoplich Naam
Anser rossii
Cassin 1861

Eier von de Dwarg-Sneegoos

Kennteken

De Dwarg-Sneegoos is en witte Goos mit swatte Flunkentoppen un roden Snavel un rode Poten. Se warrt 53 bit 66 cm groot un weggt twuschen 1,2 un 1,6 kg. De Göse sünd wat lichter, as de Ganners. Se sleiht bannig na de Sneegoos, man is bi 40 % lüttjer.

Wo se vörkummt un wo se leven deit

Ross siene Sneegoos brott bloß man in Noordkanada in de Tundra. Overwintern deit se in'n Süden vun de USA un in'n Norden vun Mexiko. Af un to mol warr en Dwarg-Sneegoos ok in Europa sehn. In de Nedderlannen is dat twuschen 1985 un 2011 ölben Mol seker passeert.

Weblenken

Dwarg-Sneegoos. Mehr Biller, Videos oder Audiodateien to’t Thema gifft dat bi Wikimedia Commons.