Dylan Vernon
Dylan Gregory Vernon (* 14. März 1961 in Belize-Stadt) is en Diplomaat ut Belize.
Vernon is 1961 in Belize-Stadt boren.[1] He hett von 1982 bet 1985 an de Rockhurst University in Kansas City (Missouri) Weertschops- un Politikwetenschoppen studeert un dat Studium mit en Bachelor of Arts afslaten.[1] Von September 1985 bet August 1986 hett he as Schoolmeester an dat St. John’s Junior College in Belize-Stadt arbeidt.[1] Doran anslaten hett he von 1986 bet 1988 an de Norman Paterson School of International Affairs von de Carleton University in Ottawa (Kanada) International Affairs studeert un en Master of Arts maakt.[1]
He weer denn von Juli 1988 bet Mai 1994 Director of Research bi de Society for the Promotion of Education and Research (SPEAR) in Belize un von Juni 1994 bet August 1998 Executive Director von SPEAR.[1] Von Januar 1999 bet Januar 2000 hett he in de Political Reform Commission seten, de de Regeren von Belize inberopen harr.[1]
Juni 2000 bet April 2005 weer he Belize-Baas för dat Entwicklungsprogramm von de Vereenten Natschonen.[1] Tosätzlich hett he 2001/2002 an de Jones International University över en Feernstudium en Graduate Diploma in Development Studies maakt.[1] Von September 2009 bet Mai 2013 weer he för en PhD in Caribbean and Latin American Politics an dat University College London in Grootbritannien.[1]
Vernon is siet Oktober 2013 Baadschopper för Belize bi de Europääsche Union un Belgien.[1] Dormit verbunnen is he ok as Baadschopper för de Länner Nedderlannen, Frankriek un Düütschland un bi de Welthannelsorganisatschoon akkrediteert.[1]