Eberhard Storeck

Eberhard Karl-Heinz Storeck (* 13. März 1933 in Lauban, Schlesien; † 2. Februar 2015)^[1]^[2] weer en düütsch Synchroonsnacker, Dialogregisseur un Dialogbookschriever. Mit Biene-Maja-Tondräger - wo he Willi de Stimm lehnt hett – reck he mehrfack Goldstatus.

Leven un Wark

Eberhard Storeck fung sien Synchroon-Karriere in de 1950er Johren bi de DEFA an, gung denn nah Westdüütschland, wo he tonächst bi de Internationale Film-Union in Remagen tätig weer un denn to de Kirch-Grupp gung, wo he för de düütsch Versionen vun Filmen vun de Marx Brothers töstännig war.^[3] Af Anfang vun de 1970er Johren hett he sück denn up Tekentrickserien spezialiseert un schreev ünner annern de düütsch Texte för Trickserien as Die Biene Maja oder Wickie und die starken Männer. In völ Fällen övernehm he ok Snackerrullen; so hett he den Willi (Biene Maja), Snorre (Wickie) un den däänschen Kook ut de Muppet Show sien nich to verwesseln Stimm lehnt. Buterdem teken he för de Vertellriemsels in de Trickfilmserien Der rosarote Panther un Oggy und die Kakerlaken verantwortlich; de Serien sünd in anner Spraakfaaten stumm. Dorneben övernehm he ok Dialogbook un -regie vun de Synchroonfaaten vun Realserien as Magnum oder eenig Folgen vun de Golden Girls.

Storecks Spood weer ok dorin begrünnd, dat he en Stammpersonal an utdruckstark Stimmen um sück haalt hett, mit de he immer weer arbeiten dee. To dit Team hörrn Manfred Lichtenfeld, Fred Maire, Horst Gentzen, Gert Günther Hoffmann, Bruno W. Pantel, Helga Anders, Marianne Wischmann, Walter Reichelt, Werner Abrolat, Tilli Breidenbach, Kurt Zips, Michael Rüth, Berno von Cramm, Herbert Weicker, Leo Bardischewski, Erich Ebert, Thomas Reiner un Mogens von Gadow.

För de düütsch Översetten vun dat Book Lichte Zukunft (Swetloe buduschtscheje) vun Alexander Sinowjew hett Storeck tosommen mit Franziska Funke 1979 ok de Verse nahdicht, as ok 1981 för Sinowjew sien Gähnende Höhen (Sijajuschtschie wysoty), ditmal tosommen mit G. von Halle.

Van 1979 bit 1988 weer Storeck todem Pächter vun dat traditschonsriek Feriendomizil „Haus Ahrenshoop“ up Sylt.^[4]

Utteknungen

Golden Schallplaat för Ich bin der faule Willi (dorneben hemm de Biene-Maja-Tondräger tüschen 1978 un 2003 mehrfack Gold un de Videos bit 2005 mehrfack Platin un Gold)
Deutscher Preis für Synchron 2000/2001 för sien Synchroondreihbook un sien Synchroonregie vun den Film Oscar Wilde (Oscar Wilde, 2000)

Weblenken

Enkeld Nahwiesen

↑ Bärbel-Anastasia Klann-Evers: Kein Blick auf den Sylter Grabstein. Leserbrief, F.A.Z. vom 5. Oktober 2018, S. 7.
↑ Evangelisch-lutherische Kirchengemeinde Keitum auf Sylt: Kirchenbrief St. Severin, August bis November 2015, S. 34 (afropen an'n 6. Oktober 2018).
↑ Von den Marx Brothers zu „Oggy und die Kakerlaken“ – Die Stimme hinter Majas bestem Freund heißt Eberhard Storeck. Interview mit Heiko Dilk in de taz van’ 1. September 2001.
↑ Geschichte des „Hauses Ahrenshoop“; afropen an’ 22. August 2009.

[Klann-Evers-1] Bärbel-Anastasia Klann-Evers: Kein Blick auf den Sylter Grabstein. Leserbrief, F.A.Z. vom 5. Oktober 2018, S. 7.

[St-Severin-2] Evangelisch-lutherische Kirchengemeinde Keitum auf Sylt: Kirchenbrief St. Severin, August bis November 2015, S. 34 (afropen an'n 6. Oktober 2018).

[3] Von den Marx Brothers zu „Oggy und die Kakerlaken“ – Die Stimme hinter Majas bestem Freund heißt Eberhard Storeck. Interview mit Heiko Dilk in de taz van’ 1. September 2001.

[4] Geschichte des „Hauses Ahrenshoop“; afropen an’ 22. August 2009.

[1]

[2]

[3]

[4]