Edmund Fanning
Edmund Fanning (* 16. Juli 1769 in Stonington, Connecticut; † 23. April 1841 in New York City) weer en US-amerikaansch Opdecker, Forscher un Hannelsreisender in’n Pazifik van düütsch Afstammen.
All in dat Öller van 14 Johren is he to’n eersten Mal to See fohren. In’n Updrag van en Hannelssellschopp führ he van 1797 bit 1798 en düchtig spoodriek Expeditschoon dör, de völ Geld inbroch. In den Verloop van de Reis hett he an de Küsten van Chile mit en Schippsladung van Smuckstücken un Seehundfellen hannelt un hett de gegen wertvull chineesch Waren bi Guangzhou intuuscht. Ansluutend is he över dat Kap der guten Hoffnung torüchkehrt.
Wiels sien Expeditschonen hett Fanning eenig Eilannen updeckt, de nah hüm sülvst Fanning Island (hüüd Tabuaeran) oder van hüm, etwa nah den dormaligen US-Präsidenten Washington Island (hüüd Teraina), nömmt sünd. Ok dat Palmyra-Atoll wurr van Fanning optdeckt.
Övertüügt van de Gewinne, de man mit Hannel in de Süüdsee-Water recken kann, wurr Fanning Vertreeder för en Grupp van New Yorker Kooplüüd, hett över 70 Expeditschonen överwaakt un hett an eenig Expeditschonen ok sülvst deelnommen. 1833 is he um de Welt reist, wobi he sück up de weniger bekannt Deelen van de Welt konzentreeren dee.
So nehm he etwa 1800 bit 1801 an en Expeditschon nah Süüdgeorgien deel un nehm dor 57.000 Felle van Pelzrobben an Bord.
Nah Fanning sünd dat Kap Fanning[1] in de Antarktis un de Gebirgskamm Fanning Ridge up Süüdgeorgien nömmt. [2]
Literatur
ännern- John Stewart: Antarctica – An Encyclopedia. Vol. 1, McFarland & Co., Jefferson und London 2011, ISBN 978-0-7864-3590-6, S. 537–538 (engelsch)