Eenhoff
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21444 | |
| Vörwahl: | 04178 | |
| Geograafsche Laag: | Koordinaten:53° 16′ N, 10° 16′ O53° 16′ N, 10° 16′ O | |
|
| ||
Eenhoff (hoochdüütsch Einemhof) is en Hoff in de Gemeen Karkgellsen (Samtgemeen Gellsen) in’n Landkreis Lümborg, Neddersassen.
Geografie
ännernDe Oort liggt in de Lümbörger Heid. Bi Eenhoff liggt de Born von de Roddau.
De Naveröörd sünd Radbrouk un Mechtsen in’n Noordoosten, Dachmessen un Karkgellsen in’n Süüdoosten, Westergellsen un Hitzker in’n Süüdwesten, Veerhöben in’n Westen un Beborg in’n Noordwesten.
Historie
ännernEenhoff kummt 1275 as Bardenbostel toeerst in en Lehnregister von de Grafen von Swerin vör.[1] 1352 warrt de Oort an dat St.-Michaelsklooster in Lümborg verköfft.[1] 1450 kummt Bardenbostel as een von fiev Hööv vör.[1] Veer hebbt dicht bienanner legen un Veerhöben billt, de föffte Hoff weer wat afsieds de Eenhoff.[1] De Hoff hett to disse Tied Wernecke Schmedt tohöört.[1] De Familie Schmedt un later de Familie Hagelberg hett de Hoff bet 1878 tohöört.[1] In dat Johr hett denn de Kloosterkamer Hannover den Hoff övernahmen un dor en Deensthuus för en Förster anleggt.[1] De Heid un dat Ackerland üm den Hoff rüm sünd opforst worrn.[1] Op’n Hoff weer ok en Gasthuus inricht.[1]
In de Tied na 1894 hebbt sik för twee Johr Clara Ward un Rigó Jancsi in dat Gasthuus ophollen. De Affäär twüschen de beiden hett in jemehr Tied en ganze Tied de Dagbläder op Draff holln.
Dat Gasthuus is an’n 16. August 1946 afbrennt.[1] De Försteree is 1970 na Karkgellsen leggt worrn.[1] Von 1970 bet 1991 hett denn de Familie Eisermann op’n Hoff leevt.[1]
Verwaltungsgeschicht
ännernIn de Franzosentied von 1810 bet 1814 hett de Oort to de Mairie Karkgellsen in’n Kanton Garlstörp höört. Dat Rebeed hett in disse Tied 1810 to dat Königriek Westfalen un von 1811 bet 1814 to dat Franzöösche Kaiserriek ünner Napoleon höört.
De Oort hett vör 1852 to de Amtsvaagdie Garlstörp in dat Amt Winsen tohöört un denn von 1852 bet 1859 to dat Amt Solzhusen. 1859 schull de Oort trügg in dat Amt Winsen wesseln, aver dör en Verordnung von’n 22. Juni 1859 is de Oort an dat Amt Lüün afgeven worrn.[2] Dit Amt is von 1862 af an Amt Lümborg nöömt worrn. Na 1885 weer Eenhoff in’n Kreis Lümborg. 1932 is dat Deel von’n ne’en, grötteren Kreis Lümborg worrn.
Vör 1859 hett de Oort to de Buurschop Veerhöben tellt, is denn aver in de Gemeen Karkgellsen wesselt.
Inwahnertall
ännern| Johr | Inwahners |
|---|---|
| 1791[3] | 1 Füürsteed |
| 1824[4] | 1 Füürsteed |
| 1848[5] | 30 Lüüd, 2 Hüüs |
| 1. Dezember 1871[6] | 16 Lüüd, 1 Huus |
Religion
ännernEenhoff is evangeelsch-luthersch präägt un höört to dat Kaspel von de Laurentius-Kark in Karkgellsen.
För de Kathoolschen is de St.-Marien-Kark in Lümborg tostännig.
Weertschop un Infrastruktur
ännernVerkehr
ännernVon Eenhoff ut gifft dat blots lüttjere Feldweeg na Veerhöben, Radbrouk un Karkgellsen. In Veerhöben is de nächste wat grötter Straat de Kreisstraat 4, in Radbrouk de Kreisstraat 42 un in Karkgellsen de Landsstraat 216.
De nächste Autobahn is de Autobahn 39 (Afsnidd Hamborg–Lümborg). De nächsten Opfohrten sünd de Opfohrt 4 Winsen-Oost un de Opfohrten in Lümborg op de A 39/B 4.
De nächste Bahnhoff is de Bahnhoff Radbrouk an de Bahnlien Hamborg–Hannover.
Footnoten
ännern- ↑ a b c d e f g h i j k l http://www.archiv.radbrucherecho.de/eh.html
- ↑ Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
- ↑ Christoph Barthold Scharf: Statistisch-Topographische Samlungen zur genaueren Kentnis aller das Churfürstenthum Braunschweig-Lüneburg ausmachenden Provinzen. Meier, Bremen 1791, Sied 65
- ↑ Curt Heinrich Conrad Friedrich Jansen: Statistisches Handbuch des Königreichs Hannover. Hannover 1824, Sied 162
- ↑ Friedrich Wilhelm Harseim, Carl Schlüter: Statistisches Handbuch für das Königreich Hannover. Schlütersche Hoffbookdruckeree, Hannover 1848, Sied 104
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 122
