Amt Lüün
Dat Amt Lüün (von 1862 af an Amt Lümborg) weer en Verwaltungsrebeed in dat Förstendom Lümborg, dat Königriek Hannover un in de prüüßsche Provinz Hannover binnen de Landdrostie Lümborg mit Seet in dat Klooster Lüün bi Lümborg.
Dat Leid över dat Amt harr bet 1867 en Amtmann, de twete Beamte weer bet 1816 de Amtsschriever. In de Prüßentied na 1867 hett de eerste Beamte Amtshauptmann heten.
Geografie
ännernDat Amt is in’n Noorden an dat Amt Scharnbääk-Bütel un dat Gericht Lüsborg grenzt, in’n Oosten an dat Amt Bleikd, in’n Süden dat Amt Medingen, in’n Süüdwesten dat Amt Ebstörp, in’n Westen dat Amt Winsen un in’n Noordwesten de Stadt Lümborg (Stand 1848).
Dat Amt harr mit’n Kalkbarg en Exklaav in de Stadt Lümborg. In Lümborg un in’n Süden is dat Amt ok an enkelte Delen von dat Kloosteramt St. Michaelis grenzt.
Bet 1852
ännernDat Amt Klooster is 1529 na de Reformatschoon billt worrn üm dat Rebeed von dat säkulariseerte Klooster Lüün to verwalten.
1794/1795 sünd en Reeg Öörd mit de Ämter ümto uttuuscht worrn, dat de Ämter en slaten Rebeed ahn Exklaven kriegt.
1848 weer dat Amt so 304,28 km²[1] groot.
1810 hett Frankriek ünner Napoleon dat Amt innahmen. In disse Franzosentied hett dat toeerst bet to’n 31. Dezember 1810 to dat Departement von de Nedderelv in dat Königriek Westfalen höört un denn to dat Departement von de Elvmünnen un direkt to Frankriek. Dat Amt hett in disse Tied to’n groten Deel in’n Kanton Bewick legen. 1813 müssen de Franzosen dat Amt denn opgeven un de ole Stand is wedderkamen.
To’n 24. März 1849 is de Gerichtsborkeit von dat Klooster St. Michaelis in Lümborg oplööst worrn un de Öörd Dachmessen, Häckel, Heinsen, Öhm, Holtdörp, Wienböttel un Gröönhagen un dat Forsthuus Priorsheeg sünd Deel von dat Amt Lüün worrn.[2]
Öörd ahn egen Nummer hebbt to de Buurschop von dat Dörp mit bihöört, ünner dat se ünnerstaht, un weren dormit nich kumplett egenstännig.
|
|
1852–1859
ännernDat Amt Lüün hett bi de Verwaltungs- un Justizreform an’n 1. Oktober 1852 in dat Königriek Hannover von dat Amt Winsen de Gemenen Bewick, Brestörp, Ochmessen, Vögelsen, Mechtsen, Örzen un Drögennindörp tokregen, von dat Amt Scharnbääk de Gemenen Nutzfelln, Rullstörp, Scharnbääk (mit Lentnau un Bennerstää) un von dat Amt Medingen de Gemenen Barnst un Glüsen. De Gemeen Breitz müss dat Amt Lüün an dat Amt Bleikd afgeven.
As Gericht för dat Amt is to’n 1. Oktober 1852 dat Amtsgericht Lümborg inricht worrn.
1859–1885
ännern1859 bi de nächste Verwaltungsreform sünd de Ämter Lüün un Addelborg tohoopleggt worrn. Blots de Gemeen Bohndörp hett dat Amt Lüün an dat Amt Medingen afgeven müsst. Dat Amt Solzhusen hett dat Kaspel Amelkusen an dat Amt Lüün afgeven un dat Amt Ebstörp de Gemenen Bocken un Tellme. Dat Amt Winsen müss dör en Verordnung von’n 22. Juni 1859 sien Deel von dat Kaspel Karkgellsen an dat Amt Lüün afgeven.[3]
1862 is de Seet von dat Amt ut dat Klooster Lüün in de Ridderakademie in Lümborg ümleggt worrn un dat Amt hett denn Amt Lümborg heten.
Nadem dat Königriek Hannover 1866 an Prüßen kamen is, sünd 1867 Stüürkreise in de ne’e Provinz Hannover inricht worrn. Dat Amt hett denn to’n Stüürkreis Lümborg tohöört.
Na 1885
ännernBi de Verwaltungsreform in Prüßen to’n 1. April 1885 is dat Amt Lümborg oplööst worrn un dor is de Kreis Lümborg von worrn.
Inwahnertall
ännern| Johr | Inwahners |
|---|---|
| 1810[4] | 3.874 Lüüd, 480 Füürsteden |
| 1848[1] | 5.489 Lüüd, 617 Hüüs |
| 1867[5] | 19.069 |
Amtlüüd
ännern- 1630–1657: Thomas Dammann
- 1658–1673: Wilhelm Meyer
- 1673–1695: Jobst Henrich Witte
- 1695–1695: Heinrich Boethius
- 1695–1723: Gideon Henrich Breyhan
- 1723–1743: Jonas Werner Heise
- 1743–1758: Wilhelm Heinrich Sarnighausen
- 1759–1768: Wilhelm Schultz
- 1768–1810: Heinrich Peter Lange
- 1814–1846: Philipp Wilhelm Jochmus
- 1846–1853: Julius Heinrich Wilhelm Bode
- 1853–31. März 1885: Adolf Friedrich von Hammerstein
Amtsschrievers
ännern- 1675–1677: Dietrich Flebbe
- 1682–1688: Joachim Christoph Schultze
- 1688–1691: Johann Christoph Lent
- 1691–1692: Johann Conrad Kopff
- 1692–1729: Ludolf Ernst Könemann
- 1729–1733: Christian Dietrich Sarnighausen
- 1733–1743: Wilhelm Heinrich Sarnighausen
- 1743–1759: Just Henrich Halberstadt
- 1759–1765: Christoph Barthold Scharf
- 1766–1776: Johann Friedrich Albrecht
- 1776–1781: Johann Achaz Schwarz
- 1782–1785: Franz Albrecht Joppert
- 1785–1796: Christian Heinrich von Zesterfleth
- 1796–1797: Wilhelm Georg Friedrich von Blum
- 1797–1814: Philipp Wilhelm Jochmus
- 1814–1816: Otto Jacob Heinrich Friedrich Brauns
Footnoten
ännern- ↑ a b c Friedrich W. Harseim, C. Schlüter: Statistisches Handbuch für das Königreich Hannover. 1848, Sied 97: http://books.google.de/books?id=eOI-AAAAcAAJ&pg=PA97
- ↑ Christian H. Ebhardt: Gesetze, Verordnungen und Ausschreiben für das Königreich Hannover. 1846–1850. Vandenhoeck und Ruprecht, Göttingen 1851, Sied 169
- ↑ Sammlung der Gesetze, Verordnungen und Ausschreiben für das Königreich Hannover: vom Jahre 1859. Kius, 1859, Sied 693
- ↑ Peter Adolf Winkopp: Der Rheinische Bund. Band 16, Mohr, Frankfort an’n Main 1810, Sied 135: https://books.google.de/books?id=c24IAAAAQAAJ&pg=PA135
- ↑ Zeitschrift des Königlich preussischen statistischen Landesamts. Band 8, http://books.google.de/books?id=gHdKAAAAYAAJ&pg=PA149
- ↑ http://www.alaev-lueneburg.de/download/aufriss_22.pdf
Stadt Borgdörp | Stadt Celle | Stadt Dannenbarg | Stadt Gifhorn | Stadt Horborg | Stadt Lüchow | Stadt Lümborg | Stadt Ülzen | Stadt Winsen
Amt Ahlden | Amt Addelborg* | Amt Bargen | Amt Bedenbossel* | Amt Bleikd | Amt Bondiek* | Amt Borgdörp | Amt Borgwedel | Amt Celle | Amt Clenze* | Amt Dannenbarg | Amt Ebstörp* | Amt Eikeln* | Amt Fallersläm | Amt Fambossel | Amt Gartow | Amt Gifhorn | Amt Hittfeld* | Amt Hitzacker* | Amt Horborg | Amt Ilten* | Amt Isenhagen | Amt Knesbeck* | Amt Lüchow | Amt Lüün/Lümborg | Amt Medingen | Amt Maanze | Amt Mesborg* | Amt Neehuus | Amt Ollenstadt | Amt Papendiek* | Amt Parrns* | Amt Rethen* | Amt Soltau | Amt Solzhusen* | Amt Töst | Amt Willemsborg* | Amt Winsen an de Aller* | Amt Winsen an de Luh | Amt Wustrow*
* bet 1859