Egan Bernal

Egan Arley Bernal Gómez (* 13. Januar 1997 in Bogotá^[1]) is en kolumbiaansch Radrennfohrer. Upwussen is Egan Bernal in Zipaquirá.

Loopbahn ännern

2014 is he tonächst as Montainbikefohrer anfungen un weer dor Sülvermedaillen-Winner bi de Weltmeesterschap van de Junioren. Egan Bernal is siet 2016 Profi un wunn in dat Johr ok de Nahwusswertung van den Giro del Trentino. 2017 keem he bi den Giro dell’Appennino up den tweeten Platz achter Danilo Celano. In’n Januar 2018 hett he bi dat Team Sky för dree Johr anhüert un keem bi de Tour de Romandie up den tweeten Platz achter Primož Roglič aber noch vör Richie Porte. Bi de Kalifornien-Rundfohrt wunn he vör Tejay Van Garderen. Bi de Tour de France van dat Johr keem he up den 15. Platz un weer en van de wichtigst Helper för den Winner Geraint Thomas. Wenig Week later weer he bi den Clásica San Sebastián in en Massenstört verwickelt un hett sück swoor in dat Gesicht besehrt.

Erfolge ännern

2017

Gesamtwertung, twee Deelstrecken, Punktewertung un Nahwusswertung Tour de Savoie Mont-Blanc
Gesamtwertung, twee Deelstrecken, Punktewertung un Nahwusswertung Sibiu Cycling Tour
Gesamtwertung un twee Deelstrecken Tour de l’Avenir
Nahwusswertung Giro della Toscana