Ekenschool Scheeßl
De Ekenschool is en staatlich anerkannt Gymnasium in fre’e Dregerschop in Scheeßl. Dat is een von de poor genossenschoplichen Privatscholen in Düütschland. Schooldreger is de „Schoolgenossenschop Ekenschool eG“. Dat liggt in de Königsbarger Straat 15. Schoolbaas is Christian Birnbaum.
Grünnt worrn is de Ekenschool 1947 op Initiative von Öllern.[1] De eerste Schoolbaas weer Robert Strunck.[1] De lüttje School weer toeerst in de Scheeßler Möhl ünnerbröcht.[1] An’n 12. November 1948 hebbt 12 Öllern ut Scheeßl de „Schoolgenossenschop Ekenschool eG“ grünnt.[1] Kort later is denn en nee Schoolgebüüd boot worrn.[1] De eerste Boafsnidd mit veer Klassenrüüm weer an’n 16. Januar 1950 trech.[1] In disse Tied sünd ok de eersten Schölers von buten opnahmen worrn, de denn in Internatsrüüm binnen un buten de School ünnerbröcht worrn sünd.[1] Dat Internat stünn bet 1957 ünner dat Leid von en separaten Vereen un is denn von de Genossenschop övernahmen worrn. Dat Internat hett bet 2003 bestahn un hett denn dichtmaakt, von wegen dat dat de School to veel köst hett un 200.000 Euro Verlust in’t Johr maken dee.[2]
An’n 5. Dezember 1957 is de School staatlich anerkannt worrn un harr denn ok dat Recht Abiturprüfungen aftohollen.[1] Von 1958 bet 1974 weer de twete Vörsitter Paul Karl Schmidt.[3]
An de Ekenschool warrt so bi 1080 Schölers von so bi 84 Schoolmeesters ünnerricht. Dat gifft de Klassen 5-12, de to’n gröttsten Deel fiev Klassen pro Johrgang hebbt. Dat Schoolgeld in’n Maand liggt bi 94 Euro för Schölers ut’n Landkreis Rodenborg un 146 Euro för Schölers von annerwegens her (Stand Schooljohr 2013/2014).
De School hett lange Johren in de Lichtathletik mit’n TV Scheeßl koopereert. Besünners in de Johren 1980/1990 hett düsse Kooperatschoon en Reeg natschonale un internatschonale Athleten vörbröcht. Dat Pingstsportfest weer lange Johren en Institutschoon in de düütsche Lichtathletikszeen.
An’n 9. November 2006 is de ne’e Tweefeldsporthall von de Ekenschool inwieht worrn, de in L-Form opboot is.
Schoolbaas ännern
- 1947–1957: Robert Strunck
- –2004: Karsten Müller-Scheeßel
- 2004–2014: Ralf Goebel
- 2014–: Christian Birnbaum
Schölers ännern
- Kirsten Bolm, Lichtathletin
- Johannes Clair, Schriever
- Elke Twesten, Politikerin
- Mari Kiviniemi, finnsche Politikerin (Uttuuschschölerin in dat Schooljohr 1985/1986)[4]
Literatur ännern
- Michael Lemke: 50 Jahre Eichenschule Scheeßel: 1947 - 1997. Scheeßl 1997
Footnoten ännern
- ↑ a b c d e f g h Hans Dampf in allen pädagogischen Gassen, Rotenburger Rundschau von’n 9. März 2012
- ↑ Das Ende eines Internats, Hamburger Abendblatt von’n 15. Mai 2002
- ↑ Rotenburger Rundschau 24. August 2005
- ↑ Der Spiegel Nr. 33 vom 16. August 2010, S. 140.
Weblenken ännern
- Websteed von de School (hoochdüütsch)
Koordinaten:53° 11′ N, 9° 29′ O