Elfriede Bachmann
Elfriede Bachmann (* 1936) is en düütsche Historikerin ut Bremervöör.
Se is de Dochter von August Bachmann. 1964 hett se ehr Dokterarbeid över de Geschicht von dat Klooster Zeven schreven un weer 28 Johr lang Kreisarchivar eerst in’n Landkreis Bremervöör un denn in’n Landkreis Rodenborg. 2001 is se in Pangschoon gahn. Se hett över 200 Schriften to de Regionalgeschicht von de Gegend ümto Bremervöör rutbröcht.
2001 hett se tohoop mit’n Landkreis Rodenborg de Stiftung Bachmann-Museum Bremervöör grünnt, de all de Saken, de ehr Vader un ok se sülvst sammelt hett, bewohren un togänglich maken helpen schall.
Bachmann hett 2002 dat Verdeenstkrüüz an’t Band von’n Neddersassischen Verdeenstorden kregen un 2011 ok dat Ehrenteken in Gold von’n Landkreis Rodenborg. 2005 hett se den Allmers-Pries von de Männer vom Morgenstern kregen.
Warken
ännern- Das Kloster Heeslingen-Zeven. Verfassungs- und Wirtschaftsgeschichte. Stoder Geschichts- un Heimatvereen, Stood 1966
- Bremervörde – Bilder aus der Geschichte einer Stadt. (mit Rainer Brandt) Bremervöör 1987
- Urkundenbuch des Klosters Zeven. Wallstein Verlag, Göttingen 2016, ISBN 978-3-8353-1855-7