Stoder Geschichts- un Heimatvereen
De Stoder Geschichts- un Heimatvereen is en Vereen in Stood, de sik för dat Sammeln, Bewohren un Utforschen von de Historie von de Region von dat Elv-Werser-Dreeeck insett.
De Vereen is 1856 mit den Naam Vereen för Geschicht un Öllerdömer von de Hertogdömer Bremen un Veern un dat Land Hadeln grünnt worrn.
1904 hett de Vereen dat Heimatmuseum in de Inselstraat 12 in Stood boot.
1910 hett de Vereen dat Museum op de Insel inrichten laten, dat dicht bi dat Heimatmuseum op’n olen Bleker-Ravelin von de Stadtbefestigung von Stood liggt.
De beiden Museums sünd 1992 an’n Museumsvereen Stood övergahn, de von’n Geschichts- un Heimatvereen tohoop mit de Stadt Stood un den Landkreis Stood dragen warrt. De Museumsvereen is ok noch tostännig för den Swedenspieker un dat Kunsthuus An’t Water West.
De Geschichts- un Heimatvereen gifft ok dat Stader Jahrbuch rut, dat elk Johr Bidrääg över de Geschicht von Stood un ümto bringt. De Vörlöper is 1862 ünner den Titel Archiv des Vereins für Geschichte und Altertümer der Herzogtümer Bremen und Verden und des Landes Hadeln zu Stade toeerst rutkamen. Dat Archiv hett dat bet 1886 geven. En tweten Anloop för en Johrbook hett dat denn 1911 geven, as dat Stader Archiv rutkamen is. 1947 hett dat denn sien hüdigen Naam kregen.
Vörsitters ännern
- 1876–1895: Carl Ludwig Neubourg
- 1905–1909: Heinrich Holtermann
- 1909–: Ado Jürgens
- –1926: Friedrich Tiedemann
- 1926–1935: Hans Arthur Meyer
- 1935–1968: Hans Wohltmann
- 1969–1989: Thassilo von der Decken
- 1989–2009: Klaus Piller
- 2009–: Hans-Eckhard Dannenberg
Weblenken ännern
- Websteed von’n Vereen (hoochdüütsch)