Elmer Bernstein
Elmer Bernstein (* 4. April 1922 in New York City; † 18. August 2004 in Ojai, Kalifornien) weer en US-amerikaanschen Filmmusik-Komponist.
Leven un Wark
ännernBernstein hett sien Schooltiet an de Walen School afleggt un hett dorna en Studium an de New York University opnahmen. In’n tweeten Weltkrieg deen he in’t US Army Air Corps. Sien Loopbahn as Komponist füng an mit Musik, de he för Radiosennen un Dokumentarfilmen maakt hett. In’t Johr 1950 is he na Hollywood togen un füng dor an, an Filmmusiken to arbeiten.
Sien eerstsen Film weer 1951 de britische Produkschoon Saturday’s Hero. Twee Johren later weer he an den 3D-Film Robot Monster bedeeligt, in den George Nader de Hööftrull speelen de. at glieke Johr is ok de Produkschoon Cat-Women of the Moon entstahn.
Wat bekannter worrn is he 1955 mit de Musik to de Western-Reeg Gunsmoke (dt.: Rauchende Colts) un kreeg noch dat glieke Johr den Opdrag, Otto Preminger sien Drogen-Drama The Man With the Golden Arm to vertoonen, mit den Frank Sinatra unvermodens Spood haar. He weer bit dorhen vör allen blots as Singer bekannt wesen. Disse Musik as ok de vun de nafolgen Produkschonen as The Ten Commandments un sünners The Magnificent Seven gellt vundaag as Klassikers.
Sien Samtwark ümfaat mehr as 200 Musikwarken, för de he ölven mol aleen för den Oscar nomineert weer. Wunnen hett he em aver blots eenmol. Mit en Konzert in de Londoner Royal Albert Hall hett he an’n 14. August 2001 sien 50-johrig Jubiläum as Filmmusik-Komponist fiert. Mit sien Naamsvedder Leonard Bernstein weer he goot befrünnt, man verwandt weern de beiden nich. Af un to hett he mit sien Söhn, Peter Bernstein, tohopenarbeit, de ok Filmmusiken komponeeren deit.
Filmografie (Utwahl)
ännern| Johr | Originaltitel | dt. Titel |
|---|---|---|
| 1951 | Saturday’s Hero | |
| 1952 | Sudden Fear | Ehe mit dem Satan |
| 1953 | Cat-Women of the Moon | |
| 1955 | The Eternal Sea | Unternehmen Pelikan |
| 1955 | The Man with the Golden Arm | Der Mann mit dem goldenen Arm |
| 1956 | The Ten Commandments | Die zehn Gebote |
| 1957 | Sweet Smell of Success | Dein Schicksal in meiner Hand |
| 1958 | Desire Under the Elms | Begierde unter Ulmen |
| 1958 | Saddle the Wind | Vom Teufel geritten |
| 1958 | The Buccaneer | König der Freibeuter |
| 1960 | The Magnificent Seven | Die glorreichen Sieben |
| 1961 | By Love Possessed | Und die Nacht wird schweigen |
| 1962 | Walk on the Wild Side | Auf glühendem Pflaster |
| 1962 | Birdman of Alcatraz | Der Gefangene von Alcatraz |
| 1962 | To Kill a Mockingbird | Wer die Nachtigall stört |
| 1963 | The Great Escape | Gesprenge Ketten |
| 1963 | Rampage | Bring sie lebend heim |
| 1963 | Love with the Proper Stranger | Verliebt in einen Fremden |
| 1965 | Baby the Rain Must Fall | Die Lady und der Tramp |
| 1965 | The Hallelujah Trail | 40 Wagen westwärts |
| 1966 | The Silencers | Leise flüstern die Pistolen |
| 1966 | Hawaii | Hawaii |
| 1966 | Return of the Seven | Die Rückkehr der glorreichen Sieben |
| 1967 | Thoroughly Modern Millie | Modern Millie – Reicher Mann gesucht |
| 1968 | The Scalphunters | Mit eisernen Fäusten |
| 1969 | The Bridge at Remagen | Die Brücke von Remagen |
| 1969 | Guns of the Magnificent Seven | Die Rache der glorreichen Sieben |
| 1970 | A Walk in the Spring Rain | Die Frau des Anderen |
| 1971 | Big Jake | Big Jake |
| 1972 | The Magnificent Seven Ride! | Der Todesritt der glorreichen Sieben |
| 1973 | Cahill U.S. Marshal | Geier kennen kein Erbarmen |
| 1976 | The Shootist | Der Scharfschütze |
| 1978 | Animal House | Ich glaub’ mich tritt ein Pferd |
| 1979 | The Great Santini | Der große Santini |
| 1980 | Airplane! | Die unglaubliche Reise in einem verrückten Flugzeug |
| 1981 | An American Werewolf in London | American Werewolf |
| 1982 | Airplane II: The Sequel | Die unglaubliche Reise in einem verrückten Raumschiff |
| 1983 | Trading Places | Die Glücksritter |
| 1984 | Ghost Busters | Ghostbusters – Die Geisterjäger |
| 1985 | Spies Like Us | Spione wie wir |
| 1986 | Legal Eagles | Staatsanwälte küsst man nicht |
| 1990 | The Grifters | Grifters |
| 1993 | The Age of Innocence | Zeit der Unschuld |
| 1993 | The Good Son | Das zweite Gesicht |
| 1995 | Roommates | Familien-Bande |
| 1997 | Buddy | Buddy |
| 1997 | The Rainmaker | Der Regenmacher |
| 1999 | Wild Wild West | Wild Wild West |
| 2000 | Keeping the Faith | Keeping the Faith – Glauben ist alles! |
| 2002 | Far from Heaven | Dem Himmel so fern |
Utteken
ännernBernstein is mehr as föfftig mol för Filmpriesen vörslahn wesen, dorünner ölven mol för den Oscar. Wunnen hett he 26 Priesen, as to’n Bispeel:
- 1963: den Golden Globe in de Kategorie Best Filmmusik för To Kill a Mockingbird
- 1964: den Emmy in de Kategorie Rutragen Leistung bi’t Kompneeren vun Musik för’t Feernsehn för The Making of the President 1960
- 1967: den Golden Globe in de Kategorie Best Filmmusik för Hawaii* 1968: den Oscar in de Kategorie Best Filmmusik för Thoroughly Modern Millie
- 1990: den Pries för’t Levenswark vun de ASCAP Film and Television Music Awards
- 1998: den Pries för’t Levenswark vun’n Joseph-Plateau-Filmprijs
- 2000: den ASCAP Award in de Kategorie Top Box Office Films för Wild Wild West
- 2001: den Pries för’t Levenswark vun de World Soundtrack Awards
- 2003: den PFCS Award in de Kategorie Best Filmmusik för Far from Heaven
- ??: sien Steern op’n Walk of Fame