Airplane!
Airplane! (op Platt so veel as „Fleger!“; dt. Titel: Die unglaubliche Reise in einem verrückten Flugzeug) is de Titel vun en US-amerikaansche Film-Kummedie vun dat bekannte Trio Jim Abrahams, David un Jerry Zucker. Se hebbt tosamen dat Dreihbook schreven hatt un weern ok Speelbasen. Disse Film gellt as internatschonalen Dörbrook för den Schauspeler Leslie Nielsen, de vörher al in tallrieke tomeist eernste Rullen to sehn weer, un hier na dat Kummedie-Fack bedeen.
| Filmdaten | |
|---|---|
| Plattdüütsch Titel: | — |
| Originaltitel: | Airplane! |
| Düütsch Titel: | Die unglaubliche Reise in einem verrückten Flugzeug |
| Produkschoonsland: | USA |
| Johr vun’t Rutkamen: | 1980 |
| Läng: | 88 Minuten |
| Originalspraak: | Engelsch |
| Öllersfreegaav in Düütschland: | FSK 12 |
| Filmkru | |
| Speelbaas: | Jim Abrahams David Zucker Jerry Zucker |
| Dreihbook: | Jim Abrahams David Zucker Jerry Zucker |
| Produkschoon: | Jon Davison Jim Abrahams Howard W. Koch |
| Musik: | Elmer Bernstein |
| Kamera: | Joseph F. Biroc |
| Snitt: | Patrick Kennedy |
| Szenenbild: | Ward Preston |
| Kledaasch: | Rosanna Norton |
| Dorstellers | |
| |
De Film is en Persiflaasch vun de bekannten Fleger-Katastrophen-Filmen Airport un Airport 1975 ut de 1970er Johren. De egentliche Grundlaag för den Film is aver de Film Zero Hour! (dt.: 714 antwortet nicht) ut dat Johr 1957.
De Film harr so veel Spood dat 1982 de Film Airplane II: The Sequel (dt.: Die unglaubliche Reise in einem verrückten Raumschiff) produzeert worrn is.
Inholt
ännernTed Striker is en ehmoligen Kamppilot, de bi en Insatz en traumaatsch Begeevnis harr un sik verantwoortlich föhlt för den Dood vun sien Kameraden, vun wegen dat he bi den Insatz dat Seggen harr. Nu is de düchtig bang för’t Flegen. Sien Privatleven hett ok al dorünner leden, so dat sien Fründin Elaine em verlaten will. Striker finnt en Zeddel mit en Naricht vun Elaine un fohrt ehr na’n Flaaghaven na, woneem se as Stewardess an Boord vun den Trans-Amerika-Flaag 209 vun Los Angeles na Chicago geiht. Striker överwinnt sik un köfft sik korterhand en Ticket, üm Elaine torüchtowinnen.
Ünnerwegens kummt dat an Boord vun den Fleger to en Katastrooph, as blangen eenige vun de Reisenden ok Captain Oveur un de Ko-Pilot Murdoch krank warrt, vun wegen dat de Fisch, den se to eten kregen hebbt nich mehr goot weer. Gau mutt an Boord en Passageer funnen warnn, de wat vun’t Flegen versteiht un den Fleger lannen kann. Dat schall Ted Striker övernehmen. Elaine glöövt eerst nich doran, dat Striker dat henkriggt un so veel Verantwoorden opbringt. Liekers is he de eenzige an Boord, de Insichten in’t Flegen un keen Fisch eten hett. Also, warrt he an’n Stüerknüppel laten.
Striker hett sülvst ok Twievel un gifft sik na de eersten Versöken, de Maschien to stüern, wedder op. Eerst as em de Passageer Dr. Rumack, de an Boord de medizinsche Eerstversorgen övernahmen hett, em en Geschicht vertellt vun en Keerl, de em sien letzten Wöör seggt hett, ännert Striker sien Meenung noch eenmol. De Patient vun Rumack, de doodblieven schüll, weer neemlich een vun Strikers ehmoligen Flaagkameraden, de sülvst in sien letzten Ogenblicken noch Strikers Orders Recht geven hett.
Mit Help vun sien ehmoligen Baas Captain Rex Kramer, un den Flaaglotsen Steve McCroskey, de em över Funk seggt, wat he to doon hett, kann Striker opletzt den Fleger lannen.
Kritiken
ännernLexikon vun’n internatschonalen Film Die altbekannte Handlung dient lediglich als Vehikel für eine total überdrehte Parodie auf zahllose Hollywood-Filme von ‚Jaws‘ bis zu ‚Airport‘. Von unterschiedlichem Niveau und nicht immer geschmackvoll, in der deutschen Fassung noch stark vergröbert, kann der Film für Kenner dennoch recht vergnüglich sein.[1]
Cinema: Fazit: Hier knallen die Gags wie frisches Popcorn.[2]
Utteken
ännernDe Film weer för tosamen söven Filmpriesen nomineert, dorünner ok för den Golden Globe in de Kategorie Best Film – Kummedie oder Musical. Wunnen hett he een Film:
- 1981: den WGA Award in de Kategorie Beste Kummedie adapteert vun en anner’t Medium för Jim Abrahams, David Zucker un Jerry Zucker
Anners wat
ännern- De Film is in blots 34 Daag afdreiht worrn, gröttstendeels in’n August 1979. De Produkschoonskosten legen bi 3,5 Millionen US-Dollar.
- De letzten Wöör vun Rumack, de he dreemol to Striker seggt (vör, bi un na de Lannen) sünd bi Scary Movie 3, en Film vun David Zucker, wedder opgrepen worrn.
- Peter Graves wull de Rull vun Captain Oveur eert gor nich spelen. He hett in en Interview in en Daagblatt 2000 sülvst togeven, dat he den Inholt vun’t Dreihbook dormols as „den gröttsten Müll“ betekent hett, den he je to lesen kregen harr.
- De beiden Speelbasen David un Jerry Zucker hebbt an’n Anfang vun den Film en lütten Optritt as Flegerinwiesers. De drüdde Speelbaas Abrahams hett en korten Optritt as sössten reliösen Ieverer an’n Flaaghaven. Ok de Mudder vun de Zucker-Bröder, Charlotte Zucker, is in en korten Optritt to sehn: se versöcht sik to sminken, as sik de Fleger in Turbulenzen befinnt.
Medien
ännernParamount Home Entertainment hett 2003 en düütsche DVD vun den Film rutbröcht. De Filmmusik vun Elmer Bernstein Airplane! Music From the Motion Picture, en 2-CD-Sammeln mit Original-Stücken ut’n Film (La-La Land Records. Tonträger-Nr. LLLCD 1093) bragt ok een poor Stücken, de nich in’n Film vörkamen sünd.
Borns
ännern- ↑ Lexikon vun’n internatschonalen Film (CD-RO M-Utgaav), Systhema, München 1997
- ↑ Cinema.de: Filmkritik vun Cinema
Websteden
ännern- Airplane! in de Internet Movie Database (engelsch)