Elodio Aragon Junior

Elodio Aragon (Junior) is en Politiker ut Belize (UDP).

Aragon is as Söhn von Elodio Aragon Senior boren. He weer twee Johr lang bi de Belize Defence Forces un denn 16 Johr bi dat Belize Police Department, toletzt as Deputy Commissioner. He hett Kommunikatschoon studeert un en Bachelor maakt un denn en Master in Kriminologie anslaten.

Bi de Parlamentswahl in Belize 2015 weer he Kannedaat för de UDP in’n Wahlkreis Orange Walk Oost un hett de Wahl mit 53,04 % von de Stimmen gegen Josue Noe Carballo von de PUP un Javier Reyes von de BPP wunnen.

Dormit is he siet 9. November 2015 Afornten von dat Repräsentantenhuus von Belize. Sietdem is he ok Staatsminister in dat Ministerium för Kultur, Sport un Junge Lüüd.

An’n 19. Oktober 2016 is he as Staatsminister in dat Ministerium för Binnensaken un Butensaken wesselt un dor tostännig för de Polizei.