Erasmus Reinhold

Erasmus Reinhold (* 22. Oktober 1511 in Saalfeld/Saale; † 19. Februar 1553 ok dor) weer en düütsch Astronom un Mathematiker. He is en vun de eerst Verfechter vun dat kopernikaansch Weltbild un hett de wieder entwickelt. He kann dorum as Binnenlidd tüschen Kopernikus un Kepler ansehn wurr.

Leven

Reinhold wurr siet dat Wintersemester 1530/31 an de Universität Wittenbarg utbildt un wurr dor ok Rektor. 1535 wurr he Magister vun de söben free Künste un an' 30. April 1536 funn he Upnahm in den Senat vun de philosophischen Fakultät. 1536 kreeg he dor en Professur för höhgere Mathematik vun Philipp Melanchthon, ähnlich as Rheticus. Reinhold en groot Tall vun Steerns identifizeert un beschreven, hett sück aber ok an de organisatorisch Upgaven vun de Hoochschool bedeeligt. So weer he in dat Wintersemester 1540/41, as ok in dat Sömmersemester 1549 Dekan vun de philosophisch Fakultät un wurr in dat Wintersemester WS 1549/50 Rektor vun de Alma Mater.

He hett moderat pragmatisch de Lehren vun Nikolaus Kopernikus bruukt. Vun Hartog Albrecht von Brandenburg-Ansbach wurr he ünnerstütt, de den Druck vun de Preußisch Tafeln betallt hett, woher de ehrn Naam kreegen. Disse astronomisch Tafeln weern en Hülp för dat kopernikaansch System in dat ganze Düütsch Riek un doröver herut bekannt to maken. Reinhold weer för sien nau Meetwerte bekannt. Betekend is, dat Tycho Brahe so düchtig an Reinhold sien Meeten interesseert weer, dat de sülvst de Reis nah Saalfeld to Reinhold antreden is.

1582 wurrn de Bereken vun Kopernikus un de Preußisch Tafeln to Grundlaag för de Gregoriaansche Klennerreform bruukt.

De Maandkrater Reinhold is nah hüm nömmt. In sien Heimatstadt Saalfeld sünd en Gymnasium un en Straat nah hüm nömmt.

Warken

Prutenicae tabulae coelestium motuum. Wittenbarg 1551, Tübingen 1574, Wittenbarg 1584
Primus liber tabularum directioum, accedunt canon foecundus ad singular scrupula quadrantis propagates et nova tabula climatum, parallellorum et urbrarum et appendix canonum secundi libri directionum qui in Regimontani opera desiderantur. Tübingen 1554
Theoricae novae planetarum, figures et scholiis auctae. Wittenbarg 1542, Paris 1543, Wittenbarg 1580
Gründlicher wahrer Bericht vom Feldmessen ... Erfurt 1574

Literatur

Ingo Lokies, Ulrike Spörl, Matthias Ludwig, Marco Neumann, Jörg Eisoldt, Thomas Jochmann, Richard Albrecht Wendler, Wolfgang Müller: Erasmus Reinhold - An Vollkommenheit überlegen, ISBN 3-00-016499-5
Walter Friedensburg: Geschichte der Universität Wittenberg. Max Niemeyer, Halle (Saale) 1917
Heinz Kathe: Die Wittenberger Philosophische Fakultät 1501–1817, Böhlau, Köln 2002 ISBN 3-412-04402-4
Jöcher: Gelehrtenlexikon, Bd. 3 Sp. 1996
Siegmund Günther: Erasmus Reinhold. In: Allgemeine Deutsche Biographie (ADB). Band 28, Duncker & Humblot, Leipzig 1889, S. 77–79.
Andreas Kühne: Reinhold, Erasmus (d. Ä.). In: Neue Deutsche Biographie (NDB). Band 21, Duncker & Humblot, Berlin 2003, ISBN 3-428-11202-4, S. 367 f.
Helmar Junghans: Verzeichnis der Rektoren, Prorektoren, Dekane, Professoren und Schloßkirchenprediger der Leucorea vom Sommersemester 1536 bis zum Wintersemester 1574/75. In: Irene Dingel, Günther Wartenberg: Georg Major (1502–1574) – Ein Theologe der Wittenberger Reformation. Evangelische Verlagsanstalt, Leipzig, 2005, ISBN 3-374-02332-0

Weblenken

DNB-Katalog
Reinold, Erasmus In: Johann Heinrich Zedler: Grosses vollständiges Universal-Lexicon Aller Wissenschafften und Künste. Band 31, Leipzig 1742, Spalte 306.
Biografie up de Sieden vun de Uni Halle
Digitalisierte Werke von Reinhold – SICD vun de Universitäten vun Strasbourg
Prutenicae Tabulae Coelestium Motuum. Tubingae 1551. Online-Utgaav vun de Sasssche Landesbibliothek – Staats- und Universitätsbibliothek Dresden
Prutenicae tabulae coelestium motuum. Witebergae 1585. Online-Utgaav vun de Sasssche Landesbibliothek – Staats- und Universitätsbibliothek Dresden
Gründlicher und Warer Bericht. Vom Feldmessen. Erffurdt 1597. Online-Utgaav vun de Sasssche Landesbibliothek – Staats- und Universitätsbibliothek Dresden