Hauptmenü öffnen

Ernst Pernoll (* 27. November 1902 in Wedel; † 15. Juli 1959 in St. Johann in Tirol) weer en düütschen Politiker von de CDU.

Pernoll is 1902 in Wedel boren. Na de Volks- un Middelschool weer he op’t Lehrerseminar. He hett aver nich as Schoolmeester arbeidt. He hett bi en Bank anfungen. Von 1924 bet 1929 weer he Effektenhändler an de Berliner Wertpapierböörs. Denn weer he Geschäftsföhrer von’n middeldüütschen Buurnbund in’n Bezirk Ooltmark. Na 1933 weer he kort freeberuflich aktiv un weer denn von 1935 bet 1939 Baas von en Afdeel bi de ILO-Warken in Pinnbarg. In’n Tweten Weltkrieg weer he von 1939 bet 1945 Soldaat, toletzt as Leutnant.

Pernoll hett 1946 den Buurnverband Hamborg mit grünnt un weer dor later Hauptgeschäftsföhrer. Dormit verbunnen weer he ok Schriftleiter von de Tiedschrift Bauern und Gärtner. He hett ok de Arbeitsgemeinschaft Landwirtschaft / Gewerbliche Wirtschaft Hamburg mit grünnt un weer in’n Vörstand von’n Hambörger Middelstandsblock.

Pernoll weer von 1953 bet 1957 Maat von de Hambörgsche Börgerschop un von 15. Oktober 1957 bet to sien Dood an’n 15. Juli 1959 as direkt wählten Afornten för den Wahlkreis Horborg-Soltau Maat von’n Düütschen Bundsdag. Na sien Dood is Rudolf Werner för em in’n Bundsdag narückt.

Na em is de Ernst-Pernoll-Straat in Munste nöömt.