Graafschuffel
(wiederwiest vun Escher (Reedschop))
Een Graafschuffel (pl. Graafschuffeln), Escher oder Spaden is een Sünnerform vun de Schuffel. Bruukt ward se to’n Graven in de Eer, in’n Goorden ward de Modderböön ümgraavt un denn wasst allens Kruut un Kroom wedder beter. Een Graafschuffel besteit ut: ünnen dat Blatt, dat is een eckig Stück Iesenbleck mit mennigmal verstaarkte Böberkant to’n Uppetten, an dat Blatt sitt een Tüll ut Iesen, dorin ward de hölten Steel fastmookt, de bobenan een Dweergreep sitten hett. Bruukt ward ene Graafschuffel bi de Buurn, de Goortners un de Suldoten woll meer als dusend Johr.
