Fiefhusen (Bezirk Horborg)
| Wapen/Flagg | Koort | |
|---|---|---|
 |
| |
| Basisdaten | ||
| Inwahners: | ||
| Postleettall: | 21079 | |
| Vörwahl: | 040 | |
| Geograafsche Laag: | Koordinaten:53° 28′ N, 10° 3′ O53° 28′ N, 10° 3′ O | |
|
| ||
Fiefhusen (hoochdüütsch Fünfhausen) is en Oort in’n Stadtdeel Neeland in’n Bezirk Horborg, Hamborg. De Oort höört polietsch al von öllers bi Neeland mit bi.
Geografie ännern
Fiefhusen liggt in de Masch von de Süderelv.
De Naveröörd sünd Bullenhuus in’n Süüdoosten, Groot Moor un Lütt Moor in’n Süden, Good Moor un Brammerhagen in’n Süüdwesten un Neeland in’n Noordwesten. In’n Noorden op dat annere Över von de Elv liggt Moorwarder un in’n Oosten de Bunthüser Spitz.
Historie ännern
Verwaltungsgeschicht ännern
De Oort hett vör 1885 to de Vaagdie Neeland-Over in dat Amt Horborg tohöört. Na 1885 weer dat in’n Kreis Horborg. 1932 is dat Deel von’n nu grötteren Kreis Horborg worrn. Aver al mit dat Groot-Hamborg-Gesett von 1937 is de Oort denn an Hamborg kamen.
Inwahnertall ännern
| Johr | Inwahners |
|---|---|
| 1824[1] | 8 Füürsteden |
| 1848[2] | 41 Lüüd, 8 Hüüs |
| 1. Dezember 1871[3] | 50 Lüüd, 8 Hüüs |
Religion ännern
Fiefhusen is evangeelsch-luthersch präägt un höört to dat Kaspel von de Johannis-Kark in Horborg, dat tohoop mit de Dreefaltigkeitskark de Karkengemeen Trinitatis billt. Bevör de Johannis-Kark boot worrn is, hett de Oort to dat Kaspel von de Dreefaltigskeitskark höört.
För de Kathoolschen is de Franz-Joseph-Kark in Wilstörp tostännig. Von 1864 bet 1914 weer de St. Maria-Kark in Horborg för de Kathoolschen tostännig. Disse beiden Karken billt siet 2006 tohoop de Karkengemeen St. Maria-St. Joseph.
Weertschop un Infrastruktur ännern
Verkehr ännern
Fiefhusen liggt an de Fiefhüser Straat, de in’n Süden an de Straat Grootmoordamm rangeiht un in’n Noorden an’n Fiefhüser Hauptdiek an de Elv langs. De Fiefhüser Hauptdiek löppt in’n Noordwesten över Neeland na Horborg un in’n Süüdoosten in’n Landkreis Horborg as Kreisstraat 25 na Bullenhuus un Over.
De nächste Autobahn is de Autobahn 1 (Afsnidd Hamborg–Bremen), de annerthalv Kilometer in’n Westen langslöppt. De Opfohrt 38 Horborg liggt so söss Kilometer Autofohrt in’n Westen von Fiefhusen an de Neehüser Straat. Mit knapp fiev Kilometer von de Autofohrt her dichter bi liggt de Opfohrt 5 Horborg-Midd op de A 253.
De nächste Bahnhoff is so bi fiev Kilometer wied weg in’n Westen de Bahnhoff Horborg.
Footnoten ännern
- ↑ C. H. Jansen: Statistisches Handbuch des Königreichs Hannover. 1824, Sied 198: http://books.google.de/books?id=tG0AAAAAcAAJ&pg=PA198
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ Die Gemeinden und Gutsbezirke des Preussischen Staates und ihre Bevölkerung. Berlin 1873, Sied 130: https://books.google.de/books?id=qTZDAQAAMAAJ&pg=RA2-PA130