Neeland (Hamborg)
Neeland is en Deel von de Stadt Hamborg (Bezirk Horborg).
| Wapen/Flagg | Koort | |
|---|---|---|
 |
| |
| Basisdaten | ||
| Flach: | 10,0 km² | |
| Inwahners: | 1.231 (31. Dezember 2011) | |
| Inwahnerdicht: | 123,1 Inwahners pro km² | |
| Postleettall: | 21079 | |
| Vörwahl: | 040 | |
| Geograafsche Laag: | Koordinaten:53° 28′ N, 10° 1′ O53° 28′ N, 10° 1′ O | |
| Grenzen bi OSM: | 299471 
| |
 | ||
|
| ||
Geografie ännern
Neeland liggt an de Süderelv. Bi’n Oort liggt ok de Neelanner See, op den dat en Waterski-Anlaag gifft.
In’n Noorden liggt Willemsborg, in’n Süüdoosten de Gemeen Seevedaal mit Bullenhusen in’n Landkreis Horborg, in’n Süden Good Moor un in’n Westen Horborg.
In Neeland steiht de öllste Boom von Hamborg, en 1000 Johr olen Ievenboom. Dat Butendieksrebeed an de Süderelv is as Sweenssand en Naturschuulrebeed.
Historie ännern
Neeland is wohrschienlich in dat 13. Johrhunnert grünnt worrn. Hertog Otto II. hett 1296 Siedlers in Neeland besünnere Rechten tokennt. Dat weer dat eerste Maal, dat de Oort in de Oorkunnen vörkeem.
1814 is de Oort daalbrennt. Ok bi de Stormflood 1962 hett de Oort wedder swoor wat afkregen.
Von 1885 bet 1932 hett Neeland to’n Kreis Horborg tohöört (vörher to de Vaagdie Neeland-Over in dat Amt Horborg) un is denn Deel von’n ne’en Landkreis Horborg worrn. Aver al mit dat Groot-Hamborg-Gesett von 1937 is de Oort denn an Hamborg kamen.
1888 müss de Gemeen Neeland en Stück von ehr Rebeed an de Stadt Horborg afgeven.
Inwahnertall ännern
| Johr | Inwahners |
|---|---|
| 1824[1] | 64 Füürsteden |
| 1848[2] | 413 Lüüd, 71 Hüüs |
| 1. Dezember 1910[3] | 736 |
| 31. Dezember 2011 | 1.231 |
Religion ännern
Neeland is evangeelsch-luthersch präägt un höört to dat Kaspel von de Johannis-Kark in Horborg, dat tohoop mit de Dreefaltigkeitskark de Karkengemeen Trinitatis billt.
För de Kathoolschen is de Franz-Joseph-Kark in Wilstörp tostännig. Von 1864 bet 1914 weer de St. Maria-Kark in Horborg för de Kathoolschen tostännig. Disse beiden Karken billt siet 2006 tohoop de Karkengemeen St. Maria-St. Joseph.
Weertschop un Infrastruktur ännern
Bi Neeland staht twee Windrääd.
Verkehr ännern
Neeland liggt an de Autobahn 1, de von Noord na Süüd an’n Oort langslöppt. Direkt bi’n Oort liggt de Opfohrt 38 Horborg. In’n Westen, na Horborg hen, fangt in’n Süden de A 253 an, de in’n Noorden na Willemsborg löppt un dor in de Bundsstraat 75 övergeiht. An’n Elvdiek langs löppt de Sweenssand-Hauptdiek/Fiefhusener Hauptdiek, de in’n Landkreis Horborg de Kreisstraat 25 billt un na Bullenhusen un Over geiht.
De nächste Bahnhoff is de Bahnhoff Horborg.
Scholen ännern
Neeland hett en egen Grundschool.
Footnoten ännern
- ↑ C. H. Jansen: Statistisches Handbuch des Königreichs Hannover. 1824, Sied 436: http://books.google.de/books?id=tG0AAAAAcAAJ&pg=PA436
- ↑ Friedrich W. Harseim, C. Schlüter: Statistisches Handbuch für das Königreich Hannover. 1848, Sied 93: http://books.google.de/books?id=eOI-AAAAcAAJ&pg=PA93
- ↑ http://www.gemeindeverzeichnis.de/gem1900/gem1900.htm?hannover/harburg.htm
Weblenken ännern
Cranz | Eißendörp | Francop | Good Moor | Horborg | Husbrook | Heimfeld | Langenbeek | Marmsdörp | Moorborg | Neefeld | Neegraben-Fischbek | Neeland | Oolwarder | Rönnborg | Sinstörp | Wilstörp