Frank Mena

Frank „Papa“ Mena is en Politiker ut Belize (UDP).

He weer von 2006 bet 2009 Börgermeester von Dangriga.

Mena is an’n 18. August 2010 as Nafolger von Eddie John Webster Maat von’n Senaat von Belize worrn. Dat is he bet 2012 bleven.

Nadem Ivan Ramos sien Mandaat as Afornten von dat Repräsentantenhuus von Belize an’n 8. Juni 2015 dalleggt harr, hett dat in’n Wahlkreis Dangriga an’n 8. Juli 2015 en Nawahl geven. Dorbi is Mena mit 57,89 % von de Stimmen wählt worrn un hett sik gegen Anthony Sabal von de PUP dörsett.

Bi de Parlamentswahl in Belize an’n 4. November 2015 weer Mena wedder Kannedaat in’n Wahlkreis Dangriga un hett de Wahl mit 52,85 % von de Stimmen gegen Sabal wunnen.

Dormit is he siet 2015 Afornten von dat Repräsentantenhuus. He is an’n 10. Juli 2015 Staatsminister in dat Ministerium för Natschonale Sekerheit worrn. Na de reguläre Wahl is Mena an’n 9. November 2015 Staatsminister för Apentlichen Deenst, Energie, Versorgung, Wahlen un Grenzen worrn.