Freddie Keppard

Freddie Keppard, af un an ok Freddy Keppard schreeven, (* 27. Februar 1890 oder 1889 in New Orleans; † 15. Juli 1933 in Chicago) weer en US-amerikaansch Kornettist vun den fröhen Jazz.

Leven un Wark

Keppard speel Mandoline, Violine un Akkordeon, bevör he to dat Kornett wessel. He speel in New Orleans in’t Olympia Orchestra (af 1906) un dornah as Nahfolger vun Buddy Bolden in Frankie Dusen sien Eagle Band. He gull nah Boldens Karriereende mit sien Inleeferung in en Nervenheilanstalt 1907 as führend Kornett-Speler vun de Stadt (King Keppard).

Tüschen 1913 un 1914 speel he tosommen mit Martin Gabriel in dat The National Orchestra - Ensemble.

1914 gung he mit Bill Johnsons Band nah Los Angeles, un King Oliver övernehm in New Orleans sien Thron. Mit Johnson un de Original Creole Orchestra sünd se bit 1918 in Vaudeville-Shows in dat ganze Land up Tour gahn. Dat Publikum in’ Noorden vun de USA kreeg so eerstmals Indruck vun de in New Orleans speelt Jazz - damals allerdings noch nich so nömmt. 1915 kreegen se in New York en Angebot to Plattenupnahmen vun Victor, Keppard hett aber mit de Begründung aflehnt, dat he för de anboden 25 Dollar all jeden Dag för Gin utgeven dee (en annern Grund weer dat Misstroen, vun de Plattenfirma rinleggt to wurrn, bzw. dat hör Nummern vun anner Musikers klaut wurrn^[1]). De Mögelkeit hüm up eenig vun de fröhesten Jazz-Upnahmen överhoopt to hörn, weer dormit för immer entschwunden^[2].

Af 1917 truck he nah Chicago, wo he mit den Bands vun Jimmie Noone, Johnny Dodds, Erskine Tate, Doc Cook, Don Pasquall, Charles Elgar un Lil Hardin Armstrong speel. Alle bekannten Upnahmen stammen ut Chicago (1924–1927), insbesünnere mit Freddie Keppard Jazz Cardinals (Stock Yard Strut 1926, en Tiger Rag Variante) und at Doc Cooke´s Dreamland Orchestra. Nah Utseggen vun eenig Musiker, de noch beid kennenlehrt harrn, harr sien Stil de gröttste Ähnlichkeit mit de vun de legendär Buddy Bolden, von de dat aber kien Upnahmen mehr gifft. Keppard weer völlig vergeeten, as he dör Suizid in Chicago, af 1928 an Tuberkulose erkrankt, wat sien Arbeit unmöglich makt harr, un siet Johren Alkoholiker, storven is.

Ehrungen

1997 wurr he in de Big Band and Jazz Hall of Fame upnommen.

Literatur

Lawrence Gushee Pioneers of Jazz - The Story of the Creole Band, Oxford University Press 2005

Weblinks

Biografie bi Redhotjazz

Anmarkungen

↑ So Ramsey, Lewis Jazzmen 1939, de sück wohrschienlich Up Üterungen vun den Bassisten Bill Johnson stütten. De Klarinettist George Baquet geev dorgegen in’ Down Beat 1941 an, Probleme den Kontrabass uptonehmen weern utslaggevened ween. To nich betallt Probeupnahmen weer Keppard nich bereit.
↑ und der Ruhm, die ersten Aufnahmen gemacht zu haben, ging an die weisse Original Dixieland Jass Band

[1] So Ramsey, Lewis Jazzmen 1939, de sück wohrschienlich Up Üterungen vun den Bassisten Bill Johnson stütten. De Klarinettist George Baquet geev dorgegen in’ Down Beat 1941 an, Probleme den Kontrabass uptonehmen weern utslaggevened ween. To nich betallt Probeupnahmen weer Keppard nich bereit.

[2] und der Ruhm, die ersten Aufnahmen gemacht zu haben, ging an die weisse Original Dixieland Jass Band

[1]

[2]