Friedrich-Wilhelm Raasch

Friedrich-Wilhelm Raasch (* 12. Oktober 1938 in Hilmssen; † 10. Februar 1997 in Leendaal) weer en düütschen Politiker von de CDU.

Raasch is 1938 in Hilmssen boren. Na dat Abitur 1959 in Bremen hett he in Neddersassen en Lehr as Rechtspleger maakt, de he 1962 afslaten hett. He hett denn von 1962 bet 1978 in Leendaal, Oosterholt-Scharmbeek un Veern as Rechtspleger arbeidt. As Maat von’n Neddersassischen Landsrundfunkutschuss is he 1990 to’n Geschäftsföhrer von’n Utschuss opstegen un hett düssen Posten bet 1994 hatt. Von 1994 bet 1995 weer he Direkter von de Neddersassische Landsmedienanstalt.

Raasch is 1968 in de CDU rin. He weer Maat von’n Kreditutschuss bi de Kreisspoorkass Oosterholt un Maat von’n Verwaltungsraad. In de Gemeen Leendaal is he 1968 in’n Gemeenraad wählt worrn un hett 1974 dat Amt as Börgermeester övernahmen. Tosätzlich weer he von 1972 af an ok Maat von’n Kreisdag in’n Landkreis Oosterholt un Maat von’n Kreisutschuss. Von’n 21. Juni 1978 bet 18. Januar 1990 weer he Maat von’n Neddersassischen Landdag (9. bet 11. Wahlperiood). Bi de Wahl 1978 is he in’n Wahlkreis Achem-Veern direkt wählt worrn un bi de Wahlen 1982 un 1986 in’n Wahlkreis Achem. Von’n 10. Juli 1986 bet 18. Januar 1990 weer he ok Vörsitter von’n Wahlprüfungsutschuss. In Leendaal hett de Friedrich-Wilhelm-Raasch-Straat na em ehren Naam kregen.

Literatur

• Barbara Simon: Abgeordnete in Niedersachsen 1946–1994. Biographisches Handbuch. 1996, Sied 297