Friedrich Christian Marschalck von Bachtenbrock

Friedrich Christian Dietrich Marschalck von Bachtenbrock (* 7. März 1801 in Hu’e; † 30. Mai 1874 in Stood) weer en düütschen Verwaltungsbeamten.

Marschalck von Bachtenbrock is 1801 in Hu’e as öllst Söhn von Maria Sophia „Marianne“, borene von der Decken (1768-1864), un Engelbert Johann Marschalck von Bachtenbrock (6. Mai 1766–25. August 1845) boren. He hett an’n 3. Mai 1832 in Nienborg Auguste Henriette Susanne von Berger freet. De beiden hebbt an’n 18. Juni 1833 den Söhn Engelbert August Benedikt un an’n 16. Oktober 1839 de Dochter Marianne Henriette Sophie kregen.

Marschalck von Bachtenbrock weer von 1837 bet 1840 Amtsassesser in dat Grevengericht Freeborg un weer dor en Tied lang ok interimistischen Amtsverwalter. 1840 is he Amtsassesser in dat Amt Wittlage-Hunteburg worrn un is dor bet 1848 bleven. Denn is he as Amtsassesser in dat Amt Dustadt gahn un weer dor mit dat Verwalten von dat Amt beopdragt. Von 1852 bet 1867 weer he de Amtmann von dat Amt Himmelpoorten (von 1862 af an mit den Titel Oberamtmann).

Sien Stammseet weer dat marschalcksche Good in Lohmöhlen.