Friedrich Karl Arnold Schwassmann

**Opdeckte Asteroiden: 22**
(435) Ella ^a	11. September 1898
(436) Patricia ^a	13. September 1898
(442) Eichsfeldia ^a	15. Februar 1899
(443) Photographica ^a	17. Februar 1899
(446) Aeternitas ^a	27. Oktober 1899
(447) Valentine ^a	27. Oktober 1899
(448) Natalie ^a	27. Oktober 1899
(449) Hamburga ^a	31. Oktober 1899
(450) Brigitta ^a	10. Oktober 1899
(454) Mathesis	28. März 1900
(455) Bruchsalia ^a	22. Mai 1900
(456) Abnoba ^a	4. Juni 1900
(457) Alleghenia ^a	15. September 1900
(458) Hercynia ^a	21. September 1900
(905) Universitas	30. Oktober 1918
(906) Repsolda	30. Oktober 1918
(912) Maritima	27. April 1919
(947) Monterosa	27. Februar 1921
(989) Schwassmannia	18. November 1922
(1192) Prisma	17. März 1931
(1303) Luthera	16. März 1928
(1310) Villigera	28. Februar 1932
^a mit Max Wolf

Friedrich Karl Arnold Schwassmann (* 25. März 1870 in Hamborg; † 19. Januar 1964 ok dor) weer en düütschen Astronom.

Leven un Wark

Arnold Schwassmann weer de Söhn vun en Koopmann. He besöch dat Johanneum in Hamborg un möök 1888 sien Abitur. Dorna hett he in Leipzig, Berlin un Chöttingen Mathematik, Physik un Astronomie studeert, un hett 1893 mit en Arbeit över den Merkur-Transit vun 1891 sien Dokter maakt. Bit 1895 hett he denn an dat Astrophysikaalsche Observatorium in Potsdam arbeit un weer Hülpsmann an de Steernwacht in Chöttingen. Op Inladen vun Max Wolf is he 1897 an de ne’e Steernwacht op’n Königsstuhl in Heidelbarg gahn. As wetenschoppliche Hülpskraft weer he 1901/02 an de Chronometer-Proovanstalt vun de Hamborger Steernwacht, woneem he af 1902 op Inladen vun Richard Reinhard Emil Schorr Observater worrn is. He weer an ehrn Neebo in Hamborg-Bardörp bedeeligt.

Wiel den Eersten Weltkrieg hett he an de Tiden-Rekenmaschienen in Potsdam un Wilhelmshoben arbeit. An de Steernwacht Bardörp is he bit to sien Rohstand 1934 bleven. Butendem lehr he Astrophysik an de Universität vun Hamborg, de na den Krieg nee grünn weer.

Sien Hööftwark weer dat spektrale Dörmustern vun de 115 Kapteynschen Liekfeller vun de Noordkugel vun’n Himmel, de he twüschen 1925 un 1934 dörföhrt hett un de 1935 bit 1953 publizeert woeen sünd. He hett tweeuntwintig Asteroiden – to’n gröttsten Deel tosamen mit Max Wolf – opdeckt, un tosamen mit sien Kolleeg Arthur Arno Wachmann de Kometen 29P/Schwassmann-Wachmann, 31P/Schwassmann-Wachmann un 73P/Schwassmann-Wachmann.

De Asteroid (989) Schwassmannia is na em sülvst nöömt.

Weblenken

Publikatschonen vun A. Schwassmann in’t Astrophysics Data System
A. A. Wachmann: Arnold Schwassmann. Mitteilungen der Astronomischen Gesellschaft, Bd. 17 (1964), S. 42. (Naroop)