Fritz Neumayer

Fritz Neumayer (* 29. Juli 1884 in Kaiserslautern; † 12. April 1973 in München) weer en düütsch Politiker un Bundsminister vun de FDP (later vun de FVP bzw. DP).

He weer van 1947 bit 1948 Minister för Wertschap un Verkehr vun dat Land Rhienland-Palz, van 1952 bit 1953 Bundsminister för den Wahnungsbau un van 1953 bit 1956 Bundsjustizminister.

Utbillen un Berop

Nah sien Abitur hett Neumayer eerst anfungen Medizin to studeeren, hett denn aber doch Juristeree in Würzburg, Berlin, Leipzig un Straßburg studeert, wat he denn mit dat eerste un 1910 mit dat tweete juristisch Staatsexamen afslooten hett. 1906 wurr he Liddmaat vun dat Corps Rhenania Würzburg.^[1] Siet 1911 weer he as Afkaat in Kaiserslautern tätig. 1945 wurr he to’n Präsidenten vun dat Landgericht Kaiserslautern beroopen. Nah sien Utscheeden ut dat Ministeramt wurr Neumayer eerst Upsichtsraatsvörsitter vun de Pfaff AG, later Ehrenvörsitter vun den Upsichtsraat.

Familie

Neumayer entstamm en olden Juristenfamilie mit liberal Traditschoon ut de Palz. All sien Grootvader un sien Vader seeten för de Nationalliberalen in‘t bayerisch Parlament. Sien Groootunkel, de Naturwetenschapler Georg von Neumayer, gellt as Begrünner vun de Antarktis-Forschung.

Neumayer weer verheiraadt un harr veer Kinner.

Partei

Nah dat Enn‘ vun den Tweeten Weltkrieg is Neumayer in de FDP intreden. Hör hörr, tosommen mit Thomas Dehler un Alfred Onnen to de parteiintern Ünnersökenskommission, de de Naumann-Affäre van 1952 ünnersöcht hett. Anfang 1956 hett he mit de anner FDP-Bundsministers de Liberalen verlaaten un wurr Liddmaat vun de nee grünnd Free Volkspartei (FVP), mit de he sück aber all nah good een Johr de DP ansloot.

Afordnter

Neumayer weer 1946/47 Liddmaat vun de Beradend Landesversammlung vun dat Land Rhienland-Palz un dor Vörsitter vun de gemeensam Fraktschoon vun de liberalen Parteien. Den Landdag hör he van 1947 bit 1951 an. Hier weer he bit to’n 9. Juli 1947, as he to’n Landsminister ernannt wurr, Vörsitter vun de liberal Fraktion. Ansluutend wurr sien Landdagsmandat bit to‘n 9. April 1948 to’n Ruhen brocht.

Van 1949 bit 1957 weer Neumayer Liddmaat vun den Düütsch Bundsdag. An‘ 23. Februar 1956 hett he gemeensam mit de so nömmt „Euler-Grupp“ de FDP-Bundsdagsfraktion verlaaten un bleev den Bundsdag tonächst as fraktionsloos Afordnter erhollen. An‘ 15. März 1956 wurr he Liddmaat vun de vun de Euler-Grupp bildt „Demokratischen Arbeitsgemeinschaft“, de sück an‘ 26. Juni 1956 in FVP-Bundestagsfraktion umnömmt hett un an‘ 14. März 1957 schließlich mit de DP de DP/FVP-Fraktion bilden dee.

Fritz Neumayer is immer över de Landesliest vun Rhienland-Plaz in den Bundsdag intrucken.

Apenlich Ämter

Van‘ 9. Juli 1947 bit to’n 9. April 1948 weer Neumayer Minister för Wertschap un Verkehr vun Rhienland-Palz in de vun Ministerpräsident Peter Altmeier führt Landsregeeren.

An‘ 19. Juli 1952 wurr he as Nahfolger vun Eberhard Wildermuth, de storven weer, as Bundsminister för Bundsminister för Wahnungsbau in de von Bundskanzler Konrad Adenauer leit Bundsregeeren beroopen.

Nah de Bundsdagswahl 1953 wurr he an‘ 20. Oktober 1953 to‘n Bundsjustizminister ernannt. In disse Funktion hett he sück besünners för en Strafrechtsreform insett. In‘ Rahmen vun en Kabinettsümbillen is he an‘ 16. Oktober 1956 ut de Bundsregeeren utschett, wiel de acht Johr öllere Adenauer hüm för to old för dat Amt hull.

Enkeld Nahwiesen

↑ Kösener Corpslisten 1960, 143, 461

Weblenken

Boministers vun de Bundsrepubliek Düütschland

[1] Kösener Corpslisten 1960, 143, 461

[1]