Dieter Haack
Dieter Haack (* 9. Juni 1934 in Karlsruhe) is en düütsch Politiker (SPD).
He weer van 1978 bit 1982 den Bundsminister för Ruumorden, Bowesen un Städerbo.
Leven un Berop
ännernNah dat Abitur 1953 hett Haack en Studium vun de Rechtswetenschap in Erlangen un Bonn maakt, dat he 1957 mit dat eerste un 1962 dat tweete Staatsexamen afslooten hett. 1961 hett he all sien Doktertitel mit de Arbeit Der Vertrauensausschuß im Wahlrecht der Evangelisch-Lutherischen Kirche in Bayern kreegen. He is denn as Regeerensassessor in den bayerischen Staatsdeenst bi dat Landraatsamt Ebersberg intreden un wessel 1963 in dat Bundsministerium för Gesamtdüütsch Fragen. Hier weer he bit 1969, toletzt as Regeerensdirekter un Leider vun dat Ministerbüro vun Herbert Wehner, tätig.
Haack wurr 1990 mit dat Bundsverdeenstkrüüz mit Steern vun de Bundsrepubkil Düütschland uttekent un is siet 2004 Ehrenbörger vun de Stadt Erlangen.
Dieter Haack is verheiraadt un hett veer Kinner.
Politik
ännernSiet 1961 is Haack Liddmaat vun de SPD. Van 1975 bit 1985 weer he Stellvertreden Landsvörsitter vun de SPD in Bayern.
Van 1964 bit 1969 weer he Afordneter in' Kreisdag vun den Siegkreis un dor Vörsitter vun de SPD-Fraktschoon as ok Liddmaat vun den Gemeenraat vun Stieldorf. Ansluutend weer he bit 1990 Liddmaat vun den Düütschen Bundsdag. Hier weer he 1972 un van 1982 bit 1990 Liddmaat in den Vörstand vun de SPD-Bundsdagsfraktschoon. Haack wurr toletzt (11. Wahlperiode 1987) över de Landeslist Bayern in den Düütschen Bundsdag wählt.
Van 1972 bit 1978 weer he Parlamentarischer Staatssekretär bi den Ruumorden, Bowesen un Städerbo. To'n Anlaat vun en Kabinettsumbillen wurr Haack an' 16. Februar 1978 as Bundsminister för Ruumorden, Bowesen un Städerbo in de vun Bundskanzler Helmut Schmidt führt Bundsregeeren beropen. Nah de Wahl vun Helmut Kohl to'n Bundskanzler is he an' 1. Oktober 1982 ut de Bundsregeeren utscheeden.
Van 1990 bis 1999 hörr he för de evangeelsch Kark den Bayerischen Senat an.
Literatur
ännern- Rudolf Vierhaus und Ludolf Herbst (Hrsg.): Biographisches Handbuch der Mitglieder des Deutschen Bundestages 1949–2002. Band 1, A–M, Saur, München 2002, ISBN 3-598-23781-2, S. 291
