Fritz Riemann (Schachspeler)
Fritz Riemann (* 2. Januar 1859 in Polnisch Weistritz, Kreis Schweidnitz; † 25. November 1932 in Erfurt) weer en düütsch Schachmeester.
Riemann, en Anderssen-Schöler un vun Berop Stadtrat, harr sien spoodriekst Tiet as Schachmeester in de 1880er Johren. Bi den Kongress vun den Westdüütschen Schachbund 1880 in Bronswiek keem he up den tweeten Platz achter Louis Paulsen. In Leipzig wunn he 1888 gemeensam mit Curt von Bardeleben vör ünner annern Siegbert Tarrasch. Riemann, de en Tiet lang in Breslau, dann in Berlin leven dee, bevör he nah Erfurt truck, hett 1876 in Breslau Arnold Schottländer in en Wettkamp mit 5:0 besiegt; 1880 speel he in Berlin 3:3 (+2, -2, =2) gegen Emil Schallopp. 1885 gung in Breslau en Wettkamp gegen Ernst Flechsig mit 5:5 (+5, -5, =0) to Enn'. All 1889, also mit 30 Johr, truck sück Riemann aber vun dat Turnierschach torüch, bleev aber tietlevens den Düütschen Schachbund (DSB) verbunnen.
Riemann schreev en bedüüdend Book över sien Schachkarriere, dat mit wertvull Erinnerungen an Adolf Anderssen versehn is: Schacherinnerungen des jüngsten Anderssen-Schülers, Berlin/Leipzig 1925.
As best historsch Elo-Tall wurr later de Wert 2632 utrekent (März 1889). Dormit hör he eenig Tiet to de weltbest teihn Schachspeler.