Joseph Anthony „Fud“ Livingston (* 10. April 1906 in Charleston (South Carolina); † 25. März 1957 in New York City) weer en US-amerikaansch Jazzmusiker (Klarinett, Tenorsaxophon), Arrangeur un Komponist.

Leven un Wark ännern

He weer en Hot Jazz-Musiker, de af Midden vun de 1920er Johren för Bandleader as Roger Wolfe Kahn und Jean Goldkette (1925) arrangeeren dee; 1926 wurr he Liddmaat in Ben Pollack sien Californians, up de sien Upnahm vun „Red Hot“ Livingstone as Solist up de Klarinett to hören is, stark beinfloot vun den New Orleans Jazz vun en Jimmie Noone oder Leon Rappolo. För Pollack hett he de Arrangements vun „He's the Last Word“ un „Dee I Do“ (Victor Records) leefert, för Bix Beiderbecke „Singin’ the Blues“ un „Clarinet Marmelade“. Nahdem he de Pollack-Band verlaaten harr, weer he as freeschaffen Musiker aktiv; so hett he as Musiker oder Arrangeur ünner annern bi Louis Armstrong, Jimmy McPartland sien Wolverines, den Charleston Chasers, den California Ramblers, Nat Shilkret, Sam Lanin, Jan Garber, Boyd Senter un Joe Venuti arbeit. He weer mehrere Johren Liddmaat vun de Red Nichols/Miff Mole-Band bzw. Nichol sien Band Five Pennies, in de he sien Stil up de Klarinett utformen dee. Fud Livingston, blifft vör allen as Komponist vun den Jazzstandard „I'm Thru With Love“ in Erinnerung, de he mit Gus Kahn un Matty Malneck schreev. To sien wiedere bekannte Kompositschonen hörrn „Feelin' No Pain“, „Humpty Dumpty“, „Imagination“, „Harlem Twist“ und „Sax Appeal“, da Bix Beiderbecke as „In a Mist“ övernehm

Bix Beiderbecke hett för Victor Records en Session organiseert, bi de en All-Star-Formatschoon, to de ok Glenn Miller, Tommy Dorsey un Benny Goodman Livingston sien Arrangements speelen deen. 1929 speel Livingston in London bi Fred Elizalde. Anfang vun de 1930er Johren hett he för mehrere Johren bi Paul Whiteman arbeit, bit he vun Arthur Rollini aflööst wurr. Later hett he in Hollywood för för de Radioshow vun Bing Crosby arbeit, speel bi Jimmy Dorsey un En’ vun de 1930er Johren schreev he noch Arrangements för Bob Zurke, weer denn aber meest nich mehr as Musiker togang. Sien wiedere Karriere weer bannig dör Alkoholismus stört. In de 1950er Johren is he gelegentlich noch in New York in lüttgere Ensembles uptreeden un is letztlich vergeeten in’ März 1957 storven.

Diskographisch Henwiesen ännern

  • Louis Armstrong & his Orchestra 1936-37 (Classics)
  • Benny Goodman: 1928-1931 (Classics)
  • Miff Mole: Slippin’ Around (Frog, 1927-30)
  • Red Nichols: 1927-1928, 1928-1929, 1929 (Classics)

Weblenken ännern