Jean Goldkette
Jean Goldkette (* 18. März 1899 in Valenciennes, Frankriek; † 24. März 1962 in Santa Barbara, Kalifornien) wurr as Jazz-Pianist un Bandleader bekannt.
.jpg)
Fotografie vun William P. Gottlieb.
Goldkette is in Grekenland upwussen un gung in Russland up de School, bevör he 1911 in de USA utwannert is.
He hett völ Jazz- un Danzbands leit, dorünner sien woll bekanntst Band in de Johren 1924 bit 1929 in Detroit. Tüschen 1927 un 1929 gelungen hüm, anfangend mit Irving Berlins „(You Forgot to) Remember“, dartein Hiterfolge in den Billboard Top 30. Sien letzt spoodriek Titel weer „Tip Toe Through the Tulips“, en Leed ut de Film Gold Diggers of Broadway. In disse Band hebbt – to ünnerscheedlich Tieden – Bix Beiderbecke, Hoagy Carmichael, Jimmy Dorsey, Tommy Dorsey, Eddie Lang, Frankie Trumbauer, Joe Venuti, Pee Wee Hunt, Don Murray un völ annern speelt.
1927 hett Paul Whiteman de meesten vun Goldkettes best Bandliddmaaten afwurben. 1930 hett Jean Goldkette den Jazz verlaaten, um as Agent un klassisch Pianist to arbeiten. Goldkette hulp eerst bi de Organisatschoon vun de McKinney’s Cotton Pickers un de Orange Blossoms, de as Casa Loma Orchestra berühmt wurrn. Midden vun de 1930er Johren harr he kien Geld mehr. 1939 weer he de Manager vun dat American Symphony Orchestra. 1945 un 1947 hett he ok weer en eegen Band leit. 1955 is he as Konzertpianist uptreden. 1960 hett he noch en Comeback in’ Jazz versöcht.
Privates
ännern1939 hett he Lee McQuillen heiraadt, mit de he bit 1961 in Detroit wahnt hett. De letzte Tiet vun sien Leven hett he in Kalifornien verbrocht.
Literatur
ännern- Carlo Bohländer, Reclams Jazzführer