Gammendörp

Gammendörp is en Dörp op de Insel Fehmarn un en Stadtdeel vun de Stadt Fehmarn in den Landkreis Oostholsteen in Sleswig-Holsteen.

• Auto-Kennteken: OH (Oost-Holsteen)
• Telefonvörwahl: 04371
• Laag: In Noorden vun de Insel Fehmarn in de Oostsee. Naberdörper sünd Wentendörp, Dänschendörp, Vadersdörp un Todendörp.

Die Hüser in Gammendörp sünd dörchnummereert. Vun amtwegen gifft dat keen Stratennamen. De Lüüd schnackt awer vun de Dörpdeelen Hogendörp un Siedendörp, Op de Reeg, In de Eck un Wurth, de na een olen Ackerslag naamt is und in Oosten liggt.

An den Gammendörper Strand steiht dat Niobe-Denkmal tun Gedenken an den Untergang vun de Schoolschipp Niobe an 26. Juli 1932. 69 Minschen sünd dorbi ümkamen.

Geschicht

De örste Utkunft öber de fehmarnsch Dörper gifft uns dat Waldemar-Erdbook vun 1231. In düt Book is allens optekend, wat den däänschen König hört harr. Gammendörp warrt in düt Book mit 12 Haken opföhrt.

Huusstatistik	Wahnhüüs	Schüün	Veehhüüs
1730	43	7	18
1784	39	16	11
1793	36	17	10
1803	33	16	12
1813	37	20	6
1833	42	18	8