Gebhard Müller

Gebhard Müller (* 8. Januar 1944 in Töst) is en düütschen Politiker von de CDU.

Müller is 1944 in Töst boren. He weer op de Volksschool in Töst un denn op dat Gymnasium Scheeßl. Na dat Abitur weer he bi de Bundswehr in Lümborg. He hett en Banklehr in Hamborg maakt un denn an de Universitäten in Tübingen un Hamborg Juristeree studeert. Siene Referendartied hett he in Stood, Lümborg un Hannover maakt. Na en Tied as Anstellten bi en Hambörger Bank hett he von 1976 af an as Avkaat un siet 1979 as Notar arbeidt.

Müller is 1974 in de CDU rin. Von 1975 bet 1980 weer he Vörsitter von’n CDU-Oortsverband von de Samtgemeen Töst. Von 1977 bet 1980 weer he Viez-Kreisvörsitter von’n CDU-Kreisverband Horborg-Land un siet 1981 Raadsherr in de Gemeen Töst. Dor weer he ok Vörsitter von de CDU-Frakschoon. Von’n 21. Juni 1986 bet 12. Juni 1992 (ölvente bet twölvte Wahlperiood) weer he för den Wahlkreis Bookholt Maat von’n Landdag von Neddersassen. He weer dor von 1990 bet 1992 Vörsitter von’n Wahlprüfungsutschuss. Müller hett an’n 12. Juni 1992 sien Mandaat dalleggt. För em is denn Brigitte Rasinski as Afornte narückt.

Literatur

• Barbara Simon: Abgeordnete in Niedersachsen 1946–1994. Biographisches Handbuch. Hrsg. vom Präsidenten des Niedersächsischen Landtages. Niedersächsischer Landtag, Hannover 1996, S. 264.