Georg Arnold von Spilker
Georg Arnold von Spilker (* 5. Januar 1722 in Stood; † 30. November 1794 ok dor) weer en düütschen Jurist.
Von Spilker is 1722 as Söhn von Sophia Eleonora, borene Gackenholz, un Johann Hinrich von Spilker (24. März 1675–20. Juni 1746) in Stood boren. He hett sik an’n 12. April 1741 för en Studium von de Juristeree an de Universität Göttingen inschreven.[1] Ok an de Universität Kiel hett he studeert.
He weer Justizraad un Hoffgerichtsassesser bi de Justizkanzlie Stood un dat Hoffgericht Stood. 1784 is he Viezdirekter von de Justizkanzlie Stood un dat Hoffgericht Stood worrn. 1786 is he tosätzlich Viezdirekter von dat Kunsistorjen in Stood worrn. 1787 hett he den Posten as Direkter von de beiden Gerichten un dat Kunsistorjen övernahmen un is dat bet to sien Dood 1794 bleven.[2]
Dat Good Poggmöhlen hett he för 36.000 Rieksdaler köfft.[3]
To sien 50. Deenstjubiläum hett he an’n 23. Dezember 1793 von de Universität Kiel en Ehrendokter in de Juristeree kregen.[4]
Sien Söhn weer Friedrich Anton Georg von Spilker (1755–1812).
Footnoten ännern
- ↑ Gunnar Henry Caddick: Die Hannöversche Landsmannschaft an der Universität Göttingen von 1737 - 1809, Göttingen 2009, Nr. 00158
- ↑ Ernst Wilhelm Gustav Schlüter: Die Ordnung des Königlichen Hof-Gerichts der Herzogthümer Bremen und Verden. Herold & Wahlstab, Lümborg 1833, Sied 243
- ↑ Allgemeines Teutsches Adels-Lexicon. Dieterich Anton Harmsen, Hamborg 1776, Sied 161
- ↑ Schleswig-Holsteinische Provinzialberichte: 1794. Altona/Kiel 1794, Sied 95