Georg Duensing
Georg Duensing (* 21. Dezember 1933 in Hannover) is en düütschen Meteoroloog un Politiker von de CDU.
Duensing is 1933 in Hannover boren. He weer op de Volksschool in Hannover, Wasra un Nuurten. He is denn an dat Gymnasium Leibnizschool in Hannover wesselt un hett dor 1955 sien Abitur maakt. Na de School hett he Physik, Mathematik un Geowetenschoppen an de Universitäten Hannover un Hamborg studeert un dat Studium as Diplom-Meteoroloog afslaten.
He is toeerst wetenschoplichen Anstellten bi de Düütsche Lufthansa worrn un is later na’n Düütschen Wederdeenst in en Loopbahn von’n högeren Deenst wesselt. Duensing weer Viez-Baas von en Deenststeed von de Agrarmeteoroloogsche Forschungssteed in Hamborg, Baas von en Dezernat un later Baas von dat Afdeel Maritime Meteorologie bi’n Düütschen Wederdeenst. He weer Maat in’n Vörstand von’n Waterbeschaffungsverband Horborg.
1968 is Duensing för de CDU Raadsherr un von 1968 bet 1972 Börgermeester von Fleest worrn. Nadem Fleest 1972 Deel von de Gemeen Seevdaal worrn is, is he in dat Johr Oortsbörgermeester von Fleest worrn. Von 1972 bet 1976 weer he ok Raadsherr un Viez-Börgermeester von de Gemeen Seevdaal. He weer dor Vörsitter von de CDU-Frakschoon. Siet 1976 weer he Afornten in’n Kreisdag von’n Landkreis Horborg.
Von’n 21. Juni 1982 bet 20. Juni 1986 (teihnte Wahlperiood) weer he för den Wahlkreis Seevdaal Maat von’n Landdag von Neddersassen.
Born
ännern- Barbara Simon: Abgeordnete in Niedersachsen 1946–1994. Biographisches Handbuch. Hrsg. vom Präsidenten des Niedersächsischen Landtages. Niedersächsischer Landtag, Hannover 1996, S. 81.