George Van Biesbroeck
George-Achille Van Biesbroeck, later George A. Van Biesbroeck, (* 21. Januar 1880 in Gent; † 23. Februar 1974 in Tucson, Arizona) weer en US-amerikaanschen Astronom, de in Belgien boren weer. Boren weer he as Georges-Achille Van Biesbroeck, man later na sien Utwannern in de USA nööm he sik George A. Van Biesbroeck.
Leven un Wark ännern
Van Biesbroeck hett den perioodschen Komeet 53P/Van Biesbroeck opdeckt, as ok de nich-perioodschen Kometen C/1925 W1 (Van Biesbroeck 1) un C/1935 Q1 (Van Biesbroeck 2). Butendem hett he sössteihn Asteroiden opdeckt.
Toeerst weer he Ingenieur, man den Beroop hett he opgeven un wessel na’n Staff vun de Königliche Steernwacht in Uccle. Wiel den Eersten Weltkrieg kreeg he en Inladung, an de Yerkes-Steernwacht in Wisconsin to forschen. Sien Familie künn he mitnehmen, also wanner he ut in de USA un hett dorna vör allem op dat Rebeet vun Dubbelsteerns, Kometen, Atseroiden un Ännerliche Steerns arbeit. 1945 is he offiziell in Rohstand gahn, liekers hett he wieter arbeit. 1963 is he an’t Lunar and Planetary Laboratory in Tucson wesselt, woneem he ünner Gerard Kuiper wieter arbeit hett.
Utteken ännern
Van Biesbroeck kreeg 1957 de James Craig Watson Medal. Bito weer na em de Asteroid (1781) Van Biesbroeck nöömt, as ok de Maandkrater Van Biesbroeck. De vun em opdeckte Ro’e Dwargsteern VB 10 (Wolf 1055 B) warrt mitünner ok as Van Briesbroeck sien Steern betekent. Na em is wieter ok de George Van Biesbroeck Pries nöömt, de vun de American Astronomical Society utgeven warrt.
| (990) Yerkes | 23. November 1922 |
| (993) Moultona | 12. Januar 1923 |
| (1024) Hale | 2. Dezember 1923 |
| (1027) Aesculapia | 11. November 1923 |
| (1033) Simona | 4. September 1924 |
| (1045) Michela | 19. November 1924 |
| (1046) Edwin | 1. Dezember 1924 |
| (1079) Mimosa | 14. Januar 1927 |
| (1270) Datura | 17. Dezember 1930 |
| (1312) Vassar | 27. Juli 1933 |
| (1464) Armisticia | 11. November 1939 |
| (2253) Espinette | 30. Juli 1932 |
| (2463) Sterpin | 10. März 1934 |
| (3211) Louispharailda | 10. Februar 1931 |
| (3378) Susanvictoria | 25. November 1922 |
| (3641) Williams Bay | 24. November 1922 |