Arizona

Dit Woort hett noch annere Bedüden: kiek dorför ünner Arizona (Mehrdüdig Begreep).

Arizona is en Bundsstaat vun de USA. De Hööftstadt is Phoenix. Arizona hett 5.743.834 Inwahners (Stand 2004) op en Rebeet vun 295.276 km². De Andeel vun Indianers liggt bi 4,5 % vun de Inwahners. In de noordööstluichen Kreisen sünd dat veel mehr, in Apache County liggt he bi 80 %. In de lesten Johren wasst de Andeel vun Inwahners mit Spaansche Muddersprake unbannig.

Inwahners

In Arizona leevt 6.166.318 Minschen (Stand: Census 1. Juli 2006), dormank 76,9% Witten, 4,5% Indianers, 3,4% Farbigen un Afroamerikaners, 2,3% Asiaten; 29,2% stammt ut Latienamerika.^[1]

Wo de Inwahners vun Arizona vun afstammen doot

De meisten Arizoners stammt ut Mexiko (21 %), ut Düütschland, Grootbritannien, ut Irland un vun Indianers af. Sunnerlich in'n Süden un in de Midden vun't Land leevt veel Mexikaners, wieldes in de nöördlichen Kreisen tomeist de Nakamen vun Briten wahnt un in den Noordosten de meisten Indianers tohuse sünd.

Vun 2003 af an sütt dat so ut, dat de latienamerikaanschen Börgers vun Arizona mehr Kinner kriegt, as de annern. Nu warrt vörutseggt, dat in dat Johr 2035 de Latienamerikaners de Mehrheit vun de Inwahners utmaken weert.

Sprache

Andeel vun de Spaansche Sprake in de verscheden Kuntreien vun Arizona

In dat Johr 2000 hefft 74,1 % vun de Inwahners vun Arizona Engelsch as Muddersprake snackt. Bi 19,5 % weer Spaansch de Mudderspraak, bi 1,9 % Navajo, bi 0,6 % annere Indianerspraken un bi 0,5 % Düütsch. Engelsch is vun 2006 af an offizielle Staatssprake.

Religion

De gröttsten Karken sünd in dat Johr 2000 de Röömsch-kathoolsche Kark mit 974.883 Liddmaten, de Mormonen mit 251.974 Liddmaten un de Southern Baptist Convention mit 138.516 Liddmaten ween.^[2]

Bi 80% vun de Inwahners geevt an, se weern Christenlüde:

Christen - 80%
- Protestanten tohopennahmen - 42%
- Kathoolsche - 31%
- Mormonen - 6%
- annere christliche Gruppen - 1%
annere Religionen - 2%
ohn Religion - 18%

De gröttsten Städer

Historie

Den Bundsstaat Arizona gifft dat siet den 14. Februar 1912. Dormols is Arizona de 48. Bundsstaat vun de USA wurrn. De latere Bundsstaat düker al vun'n 24. Februar 1863 af an up de Landkaart up, as dat Territorium Nee-Mexiko in de beiden Territorien Arizona un Nee-Mexiko opdeelt worrn is. Disse Rebeden weren vörher lang Spaansch wesen. Man bit 1912 is düt Terrtorium vun Washington D.C. ut regeert wurrn.

Politik

Arizona is opdeelt in 15 Kreise (Countys):

Belegen

Weblenken

Websteed vun Arizona (engelsch)

US-Bundsstaten

[1] tfinder.census.gov

[2] ttp://www.thearda.com/mapsReports/reports/state/04_2000.asp

[1]

[2]