Georges Ronsse
Georges Ronsse (* 4. März 1906 in Antwerpen; † 4. Juli 1969 in Berchem) weer en belgischer Radrennfohrer.
Georges Ronsse hörr to de belgisch Radsportelite tüschen de beid Weltkriegen. He weer Profi van 1926 bit 1938. In dat Johr 1925 harr he all de prestigeträchtigen Klassiker Lüttich-Bastogne-Lüttich wunnen. Glieks in sien tweet Profijohr 1927 kunn he all de Klassiker Bordeaux–Paris un Paris–Roubaix up sien Naam schrieven; 1928 wunn he dat Rennen Paris–Brüssel.
In dat sülvig Johr wurr Ronsse in Budapest Straten-Weltmeester vun de Profis mit den gröttsten jemals reckten Vörsprung vun 17:33 Minuten; vun 16 Startern keemen man blots acht in't Teel.[1] Een Johr later kunn he sien Titel in Zürich spoodriek verteidigen. 1930 hett Ronsse nochmals dat Rennen Bordeaux–Paris wunnen un keem bi de Weltmeesterschapen up den 3. Platz. 1933 wurr he Dart bi de Belgien-Rundfohrt.
Ronsse is ok as Steher up de Bahn antreden un wurr in disse Disziplin dreemal (1934, 1935, 1936) natschonaler Meester un tweemal Dart bi Weltmeesterschapen.
Ronsse weer tüschen 1928 un 1931 ok bi dree Rennen as Cyclocrossfohrer aktiv un kunn bi dat Critérium International de Cyclo-cross 1928, 1930 un 1931 ünner de best Dree fohren.
Enkeld Nahwiesen ännern
- ↑ Helmer Boelsen: Die Geschichte der Rad-Weltmeisterschaft, Bielefeld 2004, S. 14