Gericht Neenhusen

Dat Gericht Neenhusen weer en lütt Patrimonialgericht un Verwaltungsrebeed in Bremen-Veern un in dat Königriek Hannover binnen de Landdrostie Stood. Dor hebbt blots de lütten Öörd Neenhusen, Born un Vosloog tohöört.

Gerichtsherrn weren de Besitters von dat Good Neenhusen. Dat weer bet 1830 de Familie von Elcking, de dat Good denn an den Först von Schaumborg-Lippe verköfft hett.

Historie

1810 hett Frankriek ünner Napoleon dat Gericht innahmen. In disse Franzosentied hett dat toeerst bet to’n 31. Dezember 1810 to dat Departement von de Elv- un Wersermünn in dat Königriek Westfalen höört un denn to dat Departement von de Wersermünnen un direkt to Frankriek. Neenhusen leeg in disse Tied in de Mairie Meyenborg in’n Kanton Hagen. 1813 müssen de Franzosen dat Rebeed denn opgeven un de ole Stand is wedderkamen.

De Kriminalgerichtsborkeit för dat Gericht Neenhusen hett dat Amt Hagen an’n 1. Januar 1831 övernahmen.

1848 weer dat Gericht so 2,70 km² groot.

Bi de Verwaltungs- un Justizreform an’n 1. Oktober 1852 is dat Gericht Neenhusen Deel von dat Amt Hagen worrn.

Öörd Stand 1848

	Oort	Lüüd	Hüüs	Aard	Status
1	Neenhusen	101	18	Dörp	Gemeen
2	Born	52	9	Dörp
3	Vosloog	34	7	Dörp
	Good Neenhusen inklusive Vosloog	17	3	Eddelgood	ahn Gemeen

Inwahnertall

Johr	Inwahners
1810-00-001810	182 Lüüd, 32 Füürsteden
1823-00-001823	186 Lüüd, 35 Hüüs
1848-00-001848	194 Lüüd, 37 Hüüs

Richters

• ~1800: Diedrich Rohdenburg, Cleve
• –1840: Avkaat Christoph Rudolph Rohdenburg, Cleve
• 1841–1852: Amtsassesser Ludolf Ulrich Fromme, Meyenborg