Glashütt Brunshusen
De Glashütt in Brunshusen weer en Fabrik för Glas in Brunshusen bi Stood an de Swing un nich wied von de Elv.
Historie
ännernDe Glashütt is 1859 von dat Ünnernehmen Zurhelle & Co. grünnt worrn.[1] 1861 is de Hütt op den Naam Adelenhütt döfft worrn.[1]
1873 hett Jakob Ferdinand Nagel ut Hamborg de Glashütt köfft un 1879 Carl Hermann Götz ut Hamborg.[1][1]
De Fabrik hett 1873 vör allen gröön Hollglas herstellt. Se harr twee Avens un so üm un bi 70 bet 80 Lüüd in Lohn un Brood mit de in dat Johr 2,5 Milljonen Buddeln herstellt worrn sünd.[2] 1886 weer dat Volumen al 15 Milljonen Buddeln.[3]
1890 hebbt Jakob Ferdinand Nagel, Maximilian Tanzer, Alfred Kaiser un Jürgen Nagel de Hütt köfft, ehr mit de Glashütt in Friesholm tohoopleggt un dor en Aktiensellschop von maakt.[1]
Von’n Bahnhoff an de Kedener Kreisbahn in Hörn ut hett dat von 1903 af an en Gleis na de Glashütt geven.[4]
Nadem de Direkter von de Glashütt, Oskar Jöhnck, an’n 31. Juli 1916 doodbleven is, hett Eduard Lautrup dat Leid övernahmen.[5]
Kort na’n Eersten Weltkrieg hett de Hütt dichtmaakt un is afreten worrn.
Footnoten
ännern
- ↑ a b c d e DER GLASFREUND, Heft 2013-47, Sieden 27-29, afdruckt in Pressglas-Korrespondenz
- ↑ [https://books.google.de/books?id=xxhGAQAAMAAJ&pg=PA226 Jahresberichte der Handelskammern und kaufmännischen Korporationen des Preußischen Staats. Preußisches Mininsterium für Handel und Gewerbe, 1873, Sied 226
- ↑ Export. Organ Des Centralverein Fur Handelsgeographie. 1886, Sied 469
- ↑ http://www.schmalspurbahn.de/ni.htm
- ↑ Keramische Rundschau. Band 24, 1916, Sied 216
Koordinaten:53° 38′ N, 9° 30′ O